35 Gyemise nee Dwɔn, Zɛbɛdi amra ne mɔ+ hɔle ɔ nwo ɛkɛ na bɛzele ye kɛ: “Kilehilevolɛ, yɛkulo kɛ ɛyɛ debie biala mɔɔ yɛbabiza wɔ la ɛmaa yɛ.”+ 36 Ɔbizale bɛ kɛ: “Duzu a bɛkpondɛ kɛ meyɛ memaa bɛ a?” 37 Bɛbuale kɛ: “Anrɛɛ maa yɛ nuhua ko ɛdɛnla wɔ fema zo na ko ɛdɛnla wɔ bɛne zo wɔ wɔ anyunlunyia ne anu.”+ 38 Noko Gyisɛse zele bɛ kɛ: “Bɛnze mɔɔ bɛlɛbiza la. Asoo bɛbahola bɛanlo kanrɛlɛ ne mɔɔ mebanlo nu la anu anzɛɛ bɛbahola bɛazɔne bɛ kɛ mɔɔ bɛlɛsɔne me la ɔ?”+ 39 Bɛzele ye kɛ: “Yɛbahola.” Na Gyisɛse zele bɛ kɛ: “Kanrɛlɛ ne mɔɔ melɛno nu la, bɛbanlo nu, yɛɛ ɛzɔnenlɛ ne mɔɔ bɛlɛsɔne me la, bɛbazɔne bɛ bie.+ 40 Noko me sa fema zo anzɛɛ bɛne zo ɛdɛnlanlɛ ɛdeɛ, ɔnle me ɛdeɛ na meava meamaa, emomu ɔle bɛdabɛ mɔɔ bɛziezie bɛmaa bɛ la ɛdeɛ.”