60 Akee ɛsɔfo kpanyinli ne dwazole gyinlanle bɛ avinli ɛkɛ na ɔbizale Gyisɛse kɛ: “Ɛnlɛ mualɛ biala ɔ? Asoo ɛnde mɔɔ menli ɛhye mɔ ɛlɛkeha atia wɔ la?”+ 61 Noko ɔyɛle koonwu, yeammaa mualɛ biala.+ Yemɔti ɛsɔfo kpanyinli ne bizale ye bieko kɛ: “Wɔmɔ a ɛle Kelaese ne, Bedevinli Ko ne Ara ne la ɔ?” 62 Akee Gyisɛse hanle kɛ: “Medame ɔ; na bɛbanwu sonla Ra ne+ kɛ ɔde Tumivolɛ ne asa fema zo+ na ɔlua anwuma amungu nu ɔlɛba.”+ 63 Na ɛsɔfo kpanyinli ne suosuanle ye tɛladeɛ ne anu na ɔhanle kɛ: “Asoo yɛhyia alasevolɛ bieko?+ 64 Bɛde munzule edwɛkɛ ne. Kɛzi bɛdwenle nwo ɛ?” Bɛ muala bɛbuale ye fɔlɛ kɛ ɔfɛta ewule.+ 65 Na bie mɔ bɔle ɔ bo totole nyɛlɛ ɔ nwo+ na bɛhedale ɔ nyunlu bɛbobɔle ye na bɛzele ye kɛ: “Ka ngapezo!” Bɛpepɛle ɔ nye zo, na kɔɔto sonvolɛma ne vale ye hɔle.+