10 Noko ɛhɔne hunle ye kpole na ɛnee ɔkpondɛ debie yeali. Mekɛ mɔɔ bɛlɛto aleɛ ne la, ɔnwunle ɛnyelɛzodeɛnwunlɛ bie+ 11 na ɔnwunle kɛ anwuma ɛbuke na bɛlɛdwula debie bie mɔɔ le kɛ lenen ɛdanlɛ kpole bie mɔɔ bɛsosɔ* ɔ nloa nna ne amuala anu la aze; 12 na nane ngakyile kɔsɔɔti nee azɛlɛ ye azo nane mɔɔ bɛtwenle bɛ nwo aze la yɛɛ anwomanyunlu nloma biala bie wɔ nu. 13 Akee ɛnelɛ bie zele ye kɛ: “Pita, dwazo ku bie di!” 14 Noko Pita zele kɛ: “Kyɛkyɛ Awulae, metɛdile debie mɔɔ nwolɛ ɛgua evinli na nwolɛ ɛnde la ɛlɛ.”+ 15 Na ɛnelɛ ne dendɛle hilele ye fane nwiɔ ne azo kɛ: “Mmaka kɛ ninyɛne mɔɔ Nyamenle ɛde nwolɛ la anwo ɛgua evinli.” 16 Ɛhye zile fane nsa, na ɛkɛ ne ala bɛvale bɛhɔle anwuma.