Edwɛne

83 O Nyamenle, mmayɛ koonwu;+

O Tumivolɛ Bedevinli, mmaka ɛ nloa ɛto nu* anzɛɛ mmagyinla ɛkɛ ne ɛnea ala.

 2 Ɔluakɛ nea! wɔ kpɔvolɛma ɛlɛyɛ begyebegye;+

Bɛdabɛ mɔɔ bɛkyi wɔ la yɛ bɛ ninyɛne anwomemaazo nu.*

 3 Bɛdua nrɛlɛbɛ adenle zo bɛfea bɛfa wɔ menli ne anwo adwenle ɛtane;

Bɛbɔ wɔ menli ne mɔɔ sonle bolɛ* la anwo kpɔkɛ.

 4 Bɛka kɛ: “Bɛrɛla, bɛmaa yɛbɔ maanle ne abo zo,+

Amaa bɛangakye duma Yizilayɛ ne bieko.”

 5 Bɛbɔ nu bɛfa adwenle ko;*

Bɛyɛ ko* kɛ bɛdwazo bɛatia wɔ+—

 6 Bɛdabɛ mɔɔ bɛde Yidɔm ɛdanlɛ azua nu nee Yehyemɛlema, Mowabe+ nee Hagelaema,*+

 7 Gibale nee Amɔn+ yɛɛ Amalɛke,

Filisitia+ nee menli mɔɔ wɔ Taya+ la amuala.

 8 Aselea+ noko ɛhɔboka bɛ nwo;

Bɛboa* Lɔɔto abozoamra.+ (Sila)

 9 Yɛ bɛ kɛ mɔɔ ɛyɛle Medean+ la,

Kɛ mɔɔ ɛyɛle Sesɛla nee Gyeeben wɔ Kaehyɔn azudenle ne anwo* la.+

10 Bɛbɔle bɛ bo zo wɔ Ɛn-dɔɔ;+

Bɛrayɛle kɛ nyɛmoa ebinli la wɔ azɛlɛ ne azo.

11 Yɛ bɛ menli titili ne mɔ kɛ Olɛbe nee Ziyɛbe+

Yɛɛ bɛ mgbanyima* ne mɔ kɛ Ziba nee Zalemɛna,+

12 Ɔluakɛ bɛhanle kɛ: “Bɛmaa yɛhɔva azɛlɛ ne mɔɔ Nyamenle de zo la yɛyɛ yɛ ɛdeɛ.”

13 O me Nyamenle, yɛ bɛ kɛ ndile welera wɔ ahumu nu,+

Kɛ baka abonle mɔɔ anwoma ɛlɛbɔ ye ahɔ la.

14 Kɛ mɔɔ senle yela ɛhoayelɛ la,

Kɛ mɔɔ sendɔlɔra yela awoka zo la,+

15 Zɔhane ala a maa wɔ ahumu ne ɛvoa bɛ+

Na wɔ ahumu kpole ne ɛha bɛ ɛzulolɛ a.+

16 O Gyihova, maa nyiane ɛhu bɛ,

Amaa bɛakpondɛ wɔ duma ne abo zo.

17 Maa bɛbɔ anyiemgba na ɛzulolɛ ɛha bɛ dahuu;

Maa bɛ nyunlu ɛgua aze na bɛ bo zo ɛbɔ;

18 Maa menli ɛnwu ye kɛ wɔmɔ, mɔɔ wɔ duma a le Gyihova la,+

Ɛ ngomekye ala a ɛle Anwuma Anwumanli wɔ azɛlɛ ye kɔsɔɔti azo a.+