Edwɛne
Kɔmaa edwɛndolɛma kpanyinli ne. Devidi ayɛlɛyelɛ edwɛne, mekɛ mɔɔ Devidi nee Bate-hyiba lale na ngapezonli Neetan rale Devidi anwo ɛkɛ ne la.+
51 O Nyamenle, maa menyia ɛ nyunlu ɛlolɛ, kɛ mɔɔ wɔ ɛlɔlɛ kpundii ne de la.+
Wɔ anwunvɔnezelɛ kpole ne ati, kyikyi me mɛladonlɛ ne mɔ.+
Ɛhye ati saa ɛtendɛ a ɛdi benle,
Wɔ ndɛnebualɛ le fɔɔnwo.+
5 Nea! Bɛwole me amumuyɛ nu,
Yɛɛ ɛtane nu a me mame nrenzɛle me a.+
6 Nea! Ɛ nye die ahonle nu nɔhalɛlilɛ nwo;+
Kilehile me ahonle nɔhalɛ nrɛlɛbɛ.
7 Fa nyinlanyinla te me nwo fi me ɛtane nwo, amaa me nwo ade;+
Bia me, amaa meayɛ nwohyee meadɛla ezukɔtweaba.+
8 Maa mende fɛlɛkolilɛ nee anyelielɛ ɛnelɛ,
Amaa mbowule ne mɔ mɔɔ ɛbubule nu la ali fɛlɛko.+
11 Mmafuandi me ɛfi ɛ nye zo ɛto;
Yɛɛ mmaye wɔ sunsum nwuanzanwuanza ne ɛfi me nwo zo.
13 Mebahilehile mɛladonlɛma wɔ ndenle ne mɔ,+
Amaa ɛtanevolɛma azia ara ɛ nwo ɛkɛ.
14 O Nyamenle, me ngoanedievolɛ Nyamenle,+ die me fi mogya nwo fɔlɛlilɛ nu,+
Amaa me tafinlima ava anyelielɛ abɔ wɔ tenleneyɛlɛ ne nolo.+
15 O Gyihova, buke me nloa,
Amaa me nloa abɔ wɔ ayɛlɛyelɛ ne nolo.+
17 Afɔlebɔlɛ mɔɔ sɔ Nyamenle anye la a le anlubɛnwo nyɛleɛ;*
O Nyamenle, ahonle mɔɔ ɛbubu na yebɛtɛ la ɛnrɛkpo.+
18 Fi atiakunlukɛnlɛma nu yɛ mɔɔ le kpalɛ la maa Zayɔn;
Die Gyɛlusalɛm bane ne mɔ.
19 Akee ɛ nye balie tenleneyɛlɛ afɔlebɔlɛ nwo,
Ɛyelalɛ afɔlebɔlɛ nee nane mumua afɔlebɔlɛ;
Akee bɛbava nlankɛ nyinli bɛabɔ afɔle wɔ wɔ afɔlemokyea ne azo.+