Ayezaya
2 Zolɛ bawula wɔ adenle biala azo;+
Ɔbali fɛlɛko na yeava anyelielɛ yeadeɛdea nu.
Bɛbanwu Gyihova anyunlunyia ne, yɛ Nyamenle ne kpoleyɛlɛ ne.
3 Bɛmaa ɛsalɛ mɔɔ anu ɛtuto la anwosesebɛ,
Na bɛmaa egyakɛ agbɔkɛ mɔɔ ɛlɛwoso la ɛgyinla kpundii.+
4 Bɛha bɛhile bɛdabɛ mɔɔ bɛdwenledwenle wɔ bɛ ahonle nu la kɛ:
“Bɛnyia anwosesebɛ. Bɛmmasulo.
Nea! Bɛ Nyamenle ne barali nzenralɛ,
Nyamenle barahwe bɛ agbɔvolɛ anzo.+
Ɔbara na yealie bɛ ngoane.”+
Ɔluakɛ nzule badukue fienemgbole nu,
Na azudenle aze ɛsɛlɛ zo.
7 Azɛlɛ resee bahakyi nzubula,
Na azɛlɛ mɔɔ ɛwe la ayɛ ɛleka mɔɔ azule se.+
Ɛleka mɔɔ ɛnee ɛzonlɛ da la,+
Ɛkɛ ne bafifi ndile, ayekɛ nee ndɔ.
8 Ademgbole bie bala ɛkɛ,+
Ɛhɛe, adenle mɔɔ bɛfɛlɛ ye Nwuanzanwuanza Adenle.
Awie mɔɔ anwo ɛnde la ɛnrɛva zolɛ.+
Awie mɔɔ lua adenle ne azo la ala a bɛgyakyi bɛmaa ye a;
Koasea ɛnrɛva zolɛ.
9 Awenade biala ɛnrɛhɔ ɛkɛ,
Yɛɛ nane anwo ɛzulolɛ biala ɛnrɛva zolɛ.
10 Bɛdabɛ mɔɔ Gyihova ɛlie bɛ la bava anyelielɛ adeɛdea nu azia ara Zayɔn.+
Anyelielɛ mɔɔ ɛnlɛ awieleɛ la bayɛ bɛ ti zo abotile.+
Bɛ nye balie na bɛali fɛlɛko,
Na nyane nee alɔbɔlɛ bavi ɛkɛ.+