Edwɛne
Devidi edwɛne.
27 Gyihova le me wienyi+ nee me ngoanedievolɛ.
Nwane a ɔwɔ kɛ mesulo ye a?+
Gyihova a le me ngoane aranemgbole a.+
Nwane anwo ɛzulolɛ a kola maa me nwo woso me a?
2 Mekɛ mɔɔ amumuyɛma tetale me kɛ bɛdi me nwonane la,+
Me kpɔvolɛma nee bɛdabɛ mɔɔ bɛkyi me la telele guale aze.
Saa bɛfa konle bɛtoa me a,
Yemɔ bɔbɔ mebanyia anwodozo.
4 Debie ko a mebiza mevi Gyihova ɛkɛ a
—yemɔ a mebakpondɛ a—
Kɛ mebadɛnla Gyihova sua nu wɔ me ngoane mekɛ kɔsɔɔti,+
Amaa meanlea Gyihova kpalɛyɛlɛ* ne
5 Ɔluakɛ ɔbava me yeavea ye feabelɛ ne wɔ munzule kenle ne anu;+
Ɔbava me yeavea ye ɛdanlɛsua ne anu;+
Ɔbava me yeazie bodane zo wɔ anwuma.+
6 Akee meli me kpɔvolɛma mɔɔ ɛbɔ me ɛyia la anwo zo konim;
Mebava anyelielɛ meabɔ afɔle wɔ ye ɛdanlɛsua ne anu;
Mebado* edwɛne meaye Gyihova ayɛlɛ.
8 Me ahonle ɛha kɛ, wɔmaa yɛ mɛla kɛ:
“Bɛkpondɛ me.”*
O Gyihova, mebakpondɛ wɔ meanwu wɔ.+
9 Mmafa ɛ nye ɛfea me.+
Mmafa ɛya ɛfoa wɔ sonvolɛ.
Wɔmɔ a ɛle me boavolɛ a;+
Me ngoanedievolɛ Nyamenle, mmakpo me yɛɛ mmagyakyi me.
12 Mmafa me ɛwula me kpɔvolɛma asa anu,+
Ɔluakɛ dasewiama ɛdwazo ɛtia me,+
Na bɛnwunlonwunla me kɛ bɛyɛ me ɛtane.
13 Saa menlɛ diedi kɛ mebanwu Gyihova kpalɛyɛlɛ ne wɔ teasema azɛlɛ ne azo a,+
Anrɛɛ nienwu a mewɔ a?*
Ɛhɛe, fa ɛ nye to Gyihova anwo zo.