Edwɛne
Devidi meketam.*
16 O Nyamenle, bɔ me nwo bane, ɔluakɛ wɔmɔ a menriandi mefea wɔ nu a.+
2 Meha mehile Gyihova kɛ: “Wɔmɔ a ɛle Gyihova, me kpalɛyɛlɛ Ɛvileka a.
4 Bɛdabɛ mɔɔ bɛdi nyamenle gyɛne nzi la maa bɛ nyanelilɛ ne yɛ dɔɔnwo.+
Menrɛva mogya menrɛbɔ afɔle menrɛmaa bɛ ɛlɛ,
Yɛɛ me nloa ɛnrɛbɔ bɛ aluma ɛlɛ.+
5 Gyihova le me kyɛfoa,+ me afoa nu ɛdeɛ nee me kanrɛlɛ.+
Ɛbɔ me agyapadeɛ nwo bane.
6 Bɛzuzu ɛleka kpalɛ bɛmaa me.
Ɛhɛe, me kunlu dwo me agyapadeɛ ne anwo.+
7 Mebaye Gyihova mɔɔ yedu me folɛ la ayɛlɛ.+
Me adwenle* tenrɛdenrɛ me nɔɔzo.+
8 Mefa Gyihova mesie me nyunlu dahuu.+
Kɛmɔ ɔwɔ me sa fema zo la ati, ɛhwee ɛngola me bo tu.+
9 Ɔti me ahonle di fɛlɛko, me sonlabaka* ne amuala anye die.
Na mebadɛnla aze* wɔ banebɔlɛ nu.
10 Ɔluakɛ ɛnrɛgyakyi me* wɔ Nla* ne anu.+
Ɛnrɛmaa wɔ nɔhavo ne ɛnrɛnwu kuma.*+
11 Ɛmaa menwu ngoane adenle ne.+
Anyelielɛ ngome wɔ ɛ nyunlu;+
Fɛlɛkolilɛ wɔ ɛ sa fema zo dahuu.