Mɔɔ Limoa Kɔmaa Kɔlentema

8 Na mɔɔ fale aleɛ mɔɔ bɛva bɛbɔ afɔle bɛmaa awozonle nwo la:+ Yɛze kɛ yɛ muala yɛze nwolɛ debie.+ Yɛze debie a ɔmaa yɛmemaa yɛ nwo zo, noko ɛlɔlɛ maa anwosesebɛ.+ 2 Saa awie dwenle kɛ ɔze debie bie a, ɔnnwu ye kɛ mɔɔ ɔwɔ kɛ ɔnwu ye la. 3 Na saa awie kulo Nyamenle a, ɔdaye noko ɔze ye.

4 Mɔɔ fale aleɛ mɔɔ bɛva bɛbɔ afɔle bɛmaa awozonle nwo la, yɛze kɛ bozonle ɛnle ɛhwee+ wɔ ewiade na Nyamenle kokye ala a wɔ ɛkɛ a.+ 5 Na saa bɔbɔ wɔ anwuma o, azɛlɛ ye azo o, ninyɛne mɔɔ menli fɛlɛ bɛ nyamenle la dɔɔnwo wɔ ɛkɛ,+ kɛ mɔɔ “nyamenle” dɔɔnwo nee “awulae mɔ” dɔɔnwo wɔ ɛkɛ la a, 6 yɛmɛ, Nyamenle kokye a yɛlɛ a,+ Selɛ ne+ mɔɔ bɔle ninyɛne kɔsɔɔti na yɛwɔ ɛkɛ yɛmaa ye la;+ yɛɛ Awulae kokye a wɔ ɛkɛ a, Gyisɛse Kelaese mɔɔ ɔlua ɔ nwo zo a ninyɛne kɔsɔɔti wɔ ɛkɛ,+ na ɔlua ɔ nwo zo yɛwɔ ɛkɛ la.

7 Noko tɛ bɛ muala a bɛze ɛhye a.+ Kɛmɔ ɛnee bie mɔ sonle awozonle la ati, saa bɛlɛdi aleɛ a bɛbu ye kɛ debie mɔɔ bɛva bɛbɔ afɔle bɛmaa bozonle,+ yɛɛ kɛmɔ bɛtɛtetele bɛ adwenle* ne* la ati, nwolɛ ɛgua evinli.+ 8 Na aleɛ ɛnrɛmaa yɛnrɛbikye Nyamenle;+ saa yɛanli a yɛnrɛminli debie, yɛɛ saa yɛdi a yɛnrɛnyia debie noko.+ 9 Noko bɛnlea boɛ na wɔ adenle bie azo nwolɛ adenle mɔɔ bɛlɛ bɛkpa mɔɔ bɛkulo la anyɛ azedolɛ bolɛ ammaa menli mɔɔ bɛle bɛtɛɛ la.+ 10 Na saa awie nwu wɔmɔ mɔɔ ɛze ɛhye la kɛ ɛlɛdi aleɛ wɔ bozonle sua nu a, asoo ɔnrɛmaa ɔdaye mɔɔ ɔtɛtetele ye adwenle ne la anwosesebɛ kɛ ɔli aleɛ mɔɔ bɛva bɛbɔ afɔle bɛmaa awozonle la ɔ? 11 Ɔti ninyɛne mɔɔ ɛze ye la ati, ɛlɛsɛkye awie mɔɔ le bɛtɛɛ la, ɛ diema mɔɔ ɔdaye ti Kelaese wule la.+ 12 Saa bɛyɛ ɛtane bɛtia bɛ mediema wɔ adenle ɛhye azo na bɛmaa bɛyɛ ninyɛne mɔɔ maa bɛ adwenle ne mɔɔ bɛtetele ye la bua bɛ fɔlɛ la a,+ ɛnee bɛlɛyɛ ɛtane bɛatia Kelaese. 13 Ɛhye ati saa aleɛ kɛmaa me diema kɛkpo aze a, ɛnee menrɛli nane bieko ɛlɛ, na me diema akpo aze.+