Mrɛlɛbulɛ
1 Yizilayɛ Belemgbunli Sɔlɔmɔn, Devidi ara ne mrɛlɛbulɛ ɛne:+
2 Amaa bɛazukoa* nrɛlɛbɛ+ na bɛalie ɛdenrɛdenrɛlɛ bɛado nu;
Amaa bɛade nrɛlɛbɛ edwɛkɛ bo;
3 Amaa bɛanyia ɛdenrɛdenrɛlɛ+ mɔɔ maa nwunu,
Tenleneyɛlɛ,+ ndɛnebualɛ kpalɛ*+ yɛɛ fɔɔnwoyɛlɛ;*
4 Amaa mɔɔ ɛnlɛ anwubielɛ la anwu nrɛlɛbɛ;+
5 Nrɛlɛbɛvolɛ tie na ɔnyia adehilelɛ dɔɔnwo;+
Sonla mɔɔ lɛ ndelebɛbo la nyia adehilelɛ kpalɛ*+
6 Amaa bɛade ɛrɛlɛ nee agyiba,*
7 Gyihova ɛzulolɛ le adwenle mɔlebɛbo.+
Ahoasea ala a kyi nrɛlɛbɛ nee ɛdenrɛdenrɛlɛ a.+
10 Me ra nrenyia, saa ɛtanevolɛma bɔ mɔdenle kɛ bɛbɛlɛbɛla wɔ a, mmadie ɛto nu.+
11 Saa bɛka kɛ: “Bɛla maa yɛhɔ.
Maa yɛhɔbu yɛzia yɛha mogya yɛgua.
Yɛbavea yɛahendɛ mɔɔ edwɛkɛ ɛnle ɔ nwo la.
12 Yɛbame bɛ anyewɔzo kɛ mɔɔ Nla* yɛ ye la,
Yɛbame bɛ bɔkɔɔ kɛ bɛdabɛ mɔɔ bɛlɛkɔ ewule kuma nu la.
13 Maa yɛlie bɛ ninyɛne mɔɔ sonle bolɛ la kɔsɔɔti;
Yɛbava ninyɛne mɔɔ yɛve la yɛayi yɛ azua ne mɔ tetɛkɛɛ.
15 Me ra nrenyia, mmatoa bɛ.
17 Nɔhalɛ nu, saa aloma anye gyi ɛ nwo na ɛgua ye asawu a, ɛgua ye mgbane.
18 Ɛhye ati a menli ɛhye mɔ bu sia kɛ bɛka mogya bɛagua la;
Bɛkɔfea kɛ bɛku awie mɔ.
19 Kɛ bɛdabɛ mɔɔ bɛkpondɛ nvasoɛ ɛtane la ndenle de la ɛne,
20 Nɔhalɛ nrɛlɛbɛ+ ɛlɛtea nu kpole wɔ awɔdenle ne azo.+
Ɔmaa ɔ ne zo wɔ gua ne mɔ azo.+
21 Ɔtea nu wɔ awɔdenle ne mɔ mɔɔ alagye ɛnle zolɛ la kodoka ne anu.*
Ɔka ye wɔ suakpole ne nlenkɛ mgbole ne mɔ anloa kɛ:+
22 “Bɛmɛ mɔɔ bɛnlɛ anwubielɛ la bɛkulo kɛ bɛdua ye kɛ menli mɔɔ ɛnlɛ anwubielɛ la bɛkɔdwu kenlenzu?
Bɛmɛ agolobɛnwoma, bɛ nye die agolobɛnwo nwo bɛahɔdwu kenlenzu?
Yɛɛ bɛmɛ ahoasea, bɛkyi nrɛlɛbɛ bɛahɔdwu kenlenzu?+
23 Bɛlie me ahwibɛnyunlu bɛdo nu.*+
Na mebawola me sunsum ne meamaa bɛ;
Mebamaa bɛanwu me edwɛkɛ ne.+
24 Ɔluakɛ menvɛlɛle, noko bɛandie me,
Mendendenle me sa, noko awie biala andɛne me zo,+
25 Bɛbule bɛ nye bɛguale me folɛdulɛ kɔsɔɔti azo
Na bɛkpole me ahwibɛnyunlu,
26 Saa esiane to bɛ a, medame noko mebazele bɛ;
Mebagolo bɛ nwo, saa mɔɔ bɛsulo ye la ba bɛ nwo zo a,+
27 Saa mɔɔ bɛsulo ye la ba bɛ nwo zo kɛ ahumu,
Na esiane to bɛ kɛ ahumuakyima,
Saa amaneɛnwunlɛ nee ngyegyelɛ ba bɛ nwo zo a.
28 Mekɛ zɔhane bɛbahɔ zo bɛazu bɛavɛlɛ me noko menrɛdɛne bɛ zo;
Bɛbakpondɛ me ɛsesebɛ, noko bɛnrɛnwu me,+
29 Ɔluakɛ bɛhyile nrɛlɛbɛ,+
Yɛɛ bɛkpale kɛ bɛnrɛzulo Gyihova.+
30 Bɛkpole me folɛdulɛ;
Bɛambu me ahwibɛnyunlu ne mɔ amuala bie.
32 Ɔluakɛ bɛdabɛ mɔɔ bɛnlɛ anwubielɛ la atuadelɛ bahu bɛ,
Yɛɛ ahoasea ati anu mɔɔ yɛ bɛ fɛ la bazɛkye bɛ.