Mrɛlɛbulɛ
2 Sonlakpalɛ nyia Gyihova anyunlu ɛlolɛ,
Noko Ɔbua sonla mɔɔ bɔ amumuyɛ adwenle la fɔlɛ.+
3 Sonla ɛnrɛhola ɛnrɛlua amumuyɛyɛlɛ zo ɛnrɛbɔ ɔ nwo bane,+
Noko tenlenema abo ɛnrɛdu ɛlɛ.
4 Yelɛ kpalɛ le abotile maa ɔ hu,+
Noko yelɛ mɔɔ bɔ anyiemgba ɛbɛla la le kɛ ewule mɔɔ kpɔlɔ ɔ hu mbowule la.+
5 Tenlenema adwenle le fɔɔnwo,
Noko amumuyɛma adehilelɛ le mɛlɛbɛla.
7 Saa bɛsɛkye amumuyɛma a, bɛnle ɛkɛ bieko,
Noko tenlenema awuke bahɔ zo agyinla.+
9 Sonla mɔɔ bɛmbu ye bie noko ɔlɛ sonvolɛ la le kpalɛ
Tɛla sonla mɔɔ memaa ɔ nwo zo noko ɔ nloa anu aleɛ* ɛbɔ ye la.+
11 Sonla mɔɔ yɛ ye azɛlɛ zo gyima* la bali aleɛ ɔ ko ayi,+
Noko mɔɔ di ninyɛne mgbane mgbane nzi la ɛnlɛ adwenle.*
12 Amumuyɛnli anye bolo mɔɔ ɛtanevolɛma gyɛne ɛnyia ye la,
Noko tenlenema ndinli so ma.
13 Amumuyɛnli ɛdendɛlɛ ɛtane sua ye ɛhane,+
Noko tenlenenli fi anwongyelelɛ nu.
14 Sonla anloa anu edwɛkɛ maa ɔnyia debie kpalɛ na ɔ kunlu dwo ɔ nwo,+
Na ɔ sa anloa gyima bamaa yeanyia ahatualɛ.
17 Dasevolɛ nɔhavo ka nɔhalɛ,
Noko mɔɔ di dasewia la bɔ adalɛ.
18 Ɛdendɛlɛ mgbane mgbane le kɛ konle dadeɛ mɔɔ bɛfa bɛwowɔ la,
Noko nrɛlɛbɛvolɛ atafinlima yɛ ayile.+
19 Ɛnloanlɛ mɔɔ ka nɔhalɛ la badɛnla ɛkɛ dahuu,+
Noko adalɛ ɛtafinlimalɛ ɛdeɛ, ɔbadɛnla ɛkɛ mekɛ ekyi bie ala.+
20 Mɛlɛbɛla wɔ bɛdabɛ mɔɔ bɛbɔ adwenle ɛtane la ahonle nu,
22 Adalɛ ɛnloanlɛ le Gyihova kyibadeɛ,+
Noko bɛdabɛ mɔɔ bɛdi nɔhalɛ la maa ɔ nye die.
23 Sonla mɔɔ anye gyi ɔ ti anwo la fea mɔɔ ɔze ye la azo,
Noko koasea ahonle bɔ ye ngoaseade ne nolo.+
25 Sonla ahonle nu adwenleadwenle maa ahonle ne yɛ bɛtɛɛ,*+
Noko edwɛkɛ kpalɛ maa ahonle ne di fɛlɛko.+
26 Tenlenenli kɔneɛnlea ye adidileka ne mɔ,
Noko amumuyɛma ndenle maa bɛminli.
27 Mgbovonle sonla ɛnnriandi ɛngye nane,+
Noko gyima nwo mɔdenlebɔlɛ le sonla agyadeɛ mɔɔ sonle bolɛ.
28 Tenleneyɛlɛ adenle kɔwie ngoane nu;+
Ewule ɛnle ye adenle nu.