Mrɛlɛbulɛ
18 Awie biala mɔɔ twe ɔ nwo fi menli nwo* la di ye angomedi atiakunluwɔzo nzi;
Ɔkpo* nrɛlɛbɛ kpalɛ biala.
2 Koasea anye ɛnlie ndelebɛbo nwo;
Emomu ɔda mɔɔ wɔ ye ahonle nu la ali.+
3 Saa amumuyɛnli ba a, ɛbulɛ noko ɛnle ɛkɛ,
Na saa sonla anla enililɛ ali a, ɔ nee anyiemgba a lua a.+
4 Sonla anloa anu edwɛkɛ le kɛ azule mɔɔ le kuma la.+
Nrɛlɛbɛ nzubula le kɛ azule mɔɔ se la.
5 Ɔnle kpalɛ kɛ ɛkɛnlea amumuyɛnli nyunlu ɛkɛli ɛkɛmaa ye+
Anzɛɛ ɛkɛmaa pɛlepɛlelilɛ kɛbɔ tenlenenli.+
10 Gyihova duma ne le aranemgbole.+
Tenlenenli nriandi kɔfea nu na ɔnyia banebɔlɛ.*+
11 Sukoavolɛ anwonyia le ye suakpole mɔɔ bɛdo nwolɛ bane;
Ye adwenle nu a ɔle kɛ bane mɔɔ bɔ ɔ nwo bane la.+
14 Sonla adwenle* kola maa ɔgyinla ye anwodolɛ nloa,+
Noko nwane a kola gyinla sunsum mɔɔ anwo ɛbubu ye la anloa a?+
15 Sonla mɔɔ lɛ ndelebɛbo la ahonle nwu nrɛlɛbɛ,+
Yɛɛ nrɛlɛbɛvolɛ anzo kpondɛ adwenle.
16 Sonla ahyɛlɛdeɛ buke adenle maa ye;+
Ɔfa ye ɔkɔ menli mgbole nyunlu.
19 Adiema mɔɔ bɛvo ye la ɛkpɔdalɛ yɛ se tɛla suakpole mɔɔ bɛdo nwolɛ bane mɔɔ bɛdi zolɛ konim la,+
Yɛɛ butule ne bie le kɛ aranemgbole nlenkɛ nzi mbulalɛ la.+
20 Sonla anloa anu edwɛkɛ bamaa ɔ ko ayi;+
Ɔ nloa anu ma bamaa ɔ ko ayi.
23 Saa ehyianli ɛlɛtendɛ a ɔbodo,
Noko sukoavolɛ maa mualɛ mgbane mgbane.