Mrɛlɛbulɛ
2 Sonla* mɔɔ ɛnlɛ debie biala anwo adwenle la ɛnle kpalɛ,+
Yɛɛ sonla mɔɔ pele ɔ nwo yɛ debie* la yɛ ɛtane.
3 Sonla ɔdaye ye ngoaseade maa ɔfo adenle,
Na ye ahonle fa Gyihova anwo ɛya.
4 Anwonyia maa bɛnyia agɔnwolɛma dɔɔnwo,
Noko ehyianli agɔnwo bɔbɔ bakpo ye.+
6 Menli dɔɔnwo kpondɛ sonla titili* anyunlu ɛlolɛ,
Yɛɛ awie biala fa sonla mɔɔ kyɛ debie la agɔnwolɛ.
Ɔfa ye modolɛ ɔto bɛ nyunlu, noko awie biala ɛndɛne ye zo.
8 Awie biala mɔɔ kɛnyia adwenle kpalɛ* la kulo ɔ nwo.*+
Awie biala mɔɔ kɔ zo da adwenlenunwunlɛ ali la bakpazi.*+
9 Sonla mɔɔ di dasewia la ɛnrɛva ɔ nwo ɛnrɛli,
Yɛɛ sonla mɔɔ bɔ adalɛ mekɛ biala la baminli.+
10 Ɔnfɛta kɛ koasea kɛdɛnla anwonyia avinli;
Yɛɛ ɔnle kpalɛ noko kɛ sonvolɛ kɛli tumivolɛma anwo zo tumi!+
11 Sonla mɔɔ lɛ nwunu la ɛnva ɛya mgbane mgbane,+
Yɛɛ ɔle kɛnlɛma wɔ ye afoa nu kɛ ɔkɛbu ɔ nye ɔkɛgua nvonleɛ* zo.+
12 Belemgbunli ɛyavalɛ le kɛ awenade* mɔɔ ɛlɛkulu la,+
Noko ɔ nyunlu ɛlolɛ le kɛ ɛbɔlɛ mɔɔ tɔ gua ndile zo la.
14 Sua nee anwonyia le agyadeɛ mɔɔ bɛnyia bɛfi papa mɔ ɛkɛ a,
Noko yelɛ nrɛlɛbɛvolɛ vi Gyihova ɛkɛ.+
19 Sonla mɔɔ lɛ ahonle la banyia nwolɛ anzohwenlɛ;
Saa ɛbɔ mɔdenle kɛ ɛdie ye a, ɛbalie ye fane dɔɔnwo.+
22 Debie kɛnlɛma mɔɔ wɔ sonla nwo la a le ye ɛlɔlɛ kpundii;+
Yɛɛ ɔle kpalɛ kɛ ɛkɛli ehyia tɛla kɛ ɛkɛbɔ adalɛ.
23 Gyihova ɛzulolɛ kɔwie ngoane nu;+
Sonla mɔɔ kɛnyia ye la banyia ɛnwomenlelielɛ kpalɛ, munzule ɛnrɛdo ye.+
24 Mgbovonle sonla fa ɔ sa to ɛyɛba nu,
Noko ɔndwenle nwolɛ bɔbɔ kɛ ɔfa yeawula ɔ nloa anu.+
25 Bɔ agolobɛnwonli ne,+ amaa mɔɔ ɛnlɛ anwubielɛ la ayɛ sonla mɔɔ anye gyi ɔ ti anwo,+
Na twi sonla mɔɔ lɛ ndelebɛbo la anyunlu, amaa ye nrɛlɛbɛ ayɛ kpole.+
26 Sonla mɔɔ ɔ nee ye papa ɛnli ye boɛ na ɔfoa ye mame la
Le ralɛ mɔɔ bɔ anyiemgba na ɔ nyunlu gua aze.+
27 Me ra, saa ɛgyakyi ɛdenrɛdenrɛlɛ ɛdielɛ a,
Ɛbaminli wɔavi edwɛkɛ mɔɔ maa adwenle la anwo.