Mrɛlɛbulɛ
20 Nwanye le agolobɛnwo,+ nza ɛsesebɛ maa sonla yɛ mgbane mgbane;+
Awie biala mɔɔ bɛmaa ɔfo adenle la ɛnze nrɛlɛbɛ.+
2 Belemgbunli nwo ɛzulolɛ le kɛ awenade* mɔɔ ɛlɛkulu la;+
Awie biala mɔɔ kɛha ye ɛya la fa ye ngoane to esiane nu.+
4 Mgbovonle sonla ɛnzo ɛya wɔ fɔsɛlɛ nu,
Ɔti ɔbazɛlɛzɛlɛ debie wɔ ma ɛdelɛ mekɛ nu wɔ mekɛ mɔɔ ɔnlɛ ɛhwee la.*+
5 Sonla ahonle nu nzuzulɛ* le kɛ azule mɔɔ le kuma la,
Noko sonla mɔɔ lɛ adwenlenunwunlɛ la sa bie.
6 Menli dɔɔnwo bɔ bɛ ɛlɔlɛ kpundii ne nolo,
Noko sonla mɔɔ di nɔhalɛ la, bɛnnyia ye!
7 Tenlenenli fa nɔhalɛlilɛ* dua.+
Anyelielɛ a le ɔ mra* mɔɔ bɛbara wɔ ɔ nzi la.+
12 Ɛnzolɛ mɔɔ te edwɛkɛ nee ɛnyelɛ mɔɔ nwu debie la,
—Gyihova a yɛle bɛ mu nwiɔ a.+
13 Mmakulo nafelɛ, anrɛɛ ɛbali ehyia.+
Buke ɛ nye, amaa wɔanyia aleɛ dɔɔnwo wɔali.+
14 Sonla mɔɔ tɔ debie la ka kɛ: “Ɔnle kpalɛ, ɔnle kpalɛ!”
Akee ɔfi ɛkɛ ne ɔkɔ na ɔtu ɔ nloa anu.+
15 Nvutuke wɔ ɛkɛ, yɛɛ ezukoa awolɛ ngɔkɔlɛ* dɔɔnwo noko wɔ ɛkɛ,
Noko ɛnloanlɛ mɔɔ maa adwenle la le debie mɔɔ sonle bolɛ.+
16 Saa sonla di ɛyɛvolɛ agyinlanu a, die ye ɛdanlɛ;*+
Saa ɔdi ɛyɛvolɛ raalɛ* agyinlanu a, die ye debie sie awoba.+
17 Aleɛ mɔɔ bɛdua mɛlɛbɛla adenle zo bɛnyia la yɛ sonla fɛ,
Noko nzinlii ɔ nloa anu bayɛ awozaka ngome.+
19 Dumasɛkyevo duolua nu da fealeranu edwɛkɛ ali;+
Ɛ nee sonla mɔɔ kulo awie mɔ anwo edwɛkɛ ɛhanlɛ la mmatu.
20 Awie biala mɔɔ wa ye papa nee ye mame amonle la,
Ye kɛnlaneɛ banlu wɔ mekɛ mɔɔ awozinli kɛra la.+
21 Agyapadeɛ mɔɔ bɛdua anyebolo zo bɛnyia la
Awieleɛ ɛnrɛyɛ nyilalɛ.+
22 Mmaka kɛ: “Mebadua ɛtane nwo kakɛ!”+
Fa ɛ nye to Gyihova anwo zo+ na ɔbalie wɔ.+
23 Adalɛ ɛzuzudeɛ* le Gyihova kyibadeɛ,
Yɛɛ mɛlɛbɛla tone ɛnle kpalɛ.
25 Ɔle ɛhane kɛ sonla bapele ɔ nwo ndɛndɛ adea nu kɛ, “Nwuanzanwuanza!”+
Na nzinlii yeadwenle ɛwɔkɛ mɔɔ ɔbɔle la anwo.+
27 Sonla ɛnwomenle le Gyihova kɛnlaneɛ,
Ɔfa ɔneɛnlea mɔɔ vea sonla nu la anu.