Edwɛne
Awie mɔɔ bɛkɛsisi ye la asɔneyɛlɛ wɔ mekɛ mɔɔ yeyɛ bɛtɛɛ na ɔlɛka ye adwenleadwenle ne anwo edwɛkɛ yeahile Gyihova la.+
2 Mmafa ɛ nye ɛfea me wɔ me anwongyelelɛ mekɛ nu.+
3 Ɔluakɛ me mekɛ ɛlɛminli kɛ esike,
Yɛɛ me mbowule nu ɛlɔ kɛ fonlomo.+
4 Me ahonle ɛyɛ bɛtɛɛ kɛ nya mɔɔ ɛnwoso,+
Ɔluakɛ me rɛle vile kɛ mebali aleɛ.
6 Mezɔho fienemgbole nu bɔngɔbɔngɔ;
Mele kɛ kpadule ekyi bie wɔ ɛleka mɔɔ ɛdɔ mgbane la.
8 Me kpɔvolɛma tendɛ tia me alehyenlɛ biala.+
Bɛdabɛ mɔɔ bɛgolo me nwo* la fa me duma wa amonle.
9 Medi nzonle kɛ aleɛ,+
Yɛɛ me monle ɛfonla me nzule* nu,+
10 Ɔlua wɔ ɛya nee wɔ ahonle mɔɔ ɛfutu la ati,
Wɔmaa me zo kɛ ɛfuandi me wɔado.
13 Nɔhalɛ nu, ɛbadwazo na wɔaze Zayɔn anwunvɔne,+
Ɔluakɛ mekɛ ɛdwu kɛ ɛmaa ɔnwu wɔ ɛlolɛ ne;+
Mekɛ ne mɔɔ ɛhilele la ɛdwu.+
15 Maanle maanle bazulo Gyihova duma ne,
Yɛɛ azɛlɛ ye azo arelemgbunli kɔsɔɔti bazulo wɔ anyunlunyia ne.+
18 Bɛhɛlɛ ɛhye bɛmaa awolɛndoazo mɔɔ bara kenle bie la,+
Amaa menli mɔɔ bɔ zo mɔɔ bɛbawo* bɛ la aye Gyaa ayɛlɛ.
19 Ɔluakɛ Gyihova fi ye ɛleka nwuanzanwuanza ne mɔɔ wɔ anwuma lɔ la na ɔto ɔ nye ɔnea aze,+
Ɔvi anwuma lɔ ɔnea azɛlɛ ye,
20 Kɛ ɔtie pilizanli nyanelilɛ,+
Kɛ ɔdie bɛdabɛ mɔɔ bɛkahu bɛ la,+
21 Amaa bɛabɔ Gyihova duma ne wɔ Zayɔn+
Na bɛaye ye ayɛlɛ wɔ Gyɛlusalɛm,
22 Wɔ mekɛ mɔɔ menli nee arelemgbunlililɛ
Kɛboɔboa bɛ nloa kɛ bɛsonle Gyihova la.+
23 Ɔmaanle me anwosesebɛ wiele wɔ me mgbavolɛ nu;
Ɔpɛle me mekɛ ne azo.
24 Menganle kɛ: “O me Nyamenle,
Mmapɛ me ngoane zo wɔ me mgbavolɛ nu,
Wɔmɔ mɔɔ ɛwɔ ɛkɛ ne wɔ awolɛndoazo kɔsɔɔti anu la.+
25 Tete ne, yɛɛ ɛwulale azɛlɛ ne adiabo a,
Yɛɛ anwuma le ɛ sa anloa gyima.+
26 Bɛ bo zo baminli, noko wɔmɔ ɛwɔ ɛkɛ ne dahuu;
Bɛ muala bɛbatete kɛ tɛladeɛ la.
Ɛbahakyi bɛ kɛ ɛdanlɛ, na bɛapɛ nu bɛahɔ.
27 Noko wɔmɔ ɛngakyi, yɛɛ wɔ ɛvolɛ ɛnrɛra awieleɛ ɛlɛ.+
28 Wɔ azonvolɛ ne mɔ amra badɛnla aze wɔ banebɔlɛ nu,
Na bɛ bo zo amra badɛnla ɛkɛ ne dahuu wɔ ɛ nyunlu.”+