Edwɛne
97 Gyihova ɛrayɛ Belemgbunli!+
Bɛmaa azɛlɛ ne anye ɛlie.+
Bɛmaa mbɔra dɔɔnwo ne ɛli fɛlɛko.+
2 Amungu nee awozinli kabii ɛbɛnga ɔ nwo kɔsɔɔti ɛyia;+
Tenleneyɛlɛ nee pɛlepɛlelilɛ le ye belemgbunli ebia ne adiabo.+
4 Ye ɛsɛlɛmanye kpakye maa ewiade yɛ wienyi;
Azɛlɛ ne nwu ye na ɔ nwo woso ye.+
5 Awoka kolo kɛ wolɛ ndɛlamoa wɔ Gyihova anyunlu,+
Wɔ azɛlɛ ye amuala Awulae ne anyunlu.
6 Anwuma bɔ ye tenleneyɛlɛ ne nolo,
Yɛɛ menli kɔsɔɔti nwu ye anyunlunyia ne.+
7 Bɛmaa bɛdabɛ mɔɔ bɛsonle ananze biala la amuala anyunlu ɛgua aze,+
Bɛdabɛ mɔɔ bɛfa bɛ nyamenle mɔɔ nvasoɛ ɛnle bɛ nwo zo bɛtu bɛ nwo la.+
Bɛmɛ nyamenle kɔsɔɔti, bɛbɔ bɛ ti aze bɛmaa ye.+
9 Ɔluakɛ wɔmɔ, O Gyihova, a ɛle Anwuma Anwumanli wɔ azɛlɛ ye kɔsɔɔti azo a;
Bɛkpogya wɔ zo bɛdɛla nyamenle mɔɔ ɛha la kɔsɔɔti.+
10 O bɛmɛ mɔɔ bɛkulo Gyihova la, bɛhyi ɛtane.+
11 Wienyi ɛda tenlenema anwo zo+
Yɛɛ bɛdabɛ mɔɔ bɛ ahonle nu te la di fɛlɛko.
12 Bɛmɛ tenlenema, bɛli fɛlɛko wɔ Gyihova anu,
Na bɛyɛ ye duma* nwuanzanwuanza ne mo.