Edwɛne
Devidi ayɛlɛyelɛ edwɛne.
143 O Gyihova, tie me asɔneyɛlɛ;+
Tie me modolɛ nzɛlɛlɛ.
Bua me kɛ mɔɔ wɔ nɔhalɛlilɛ nee wɔ tenleneyɛlɛ ne de la.
2 Ɛ nee wɔ akɛlɛ mmadi edwɛkɛ,
Ɔluakɛ awie biala ɛnrɛhola ɛnrɛli benle wɔ ɛ nyunlu.+
3 Kpɔvolɛ ne ɛlɛfoa me ɛsesebɛ;
Yetietia me nwo zo wɔ azɛlɛ ne anwo.
Yemaa medɛnla awozinli nu kɛ menli mɔɔ ɛwu dɛbadɛba la.
5 Mekakye dɛba ne;
Medwenledwenle wɔ gyima ne mɔ amuala anwo;+
Mesuzu ɛ sa anloa gyima ne mɔ anwo kpalɛ.*
8 Maa mende wɔ ɛlɔlɛ kpundii ne nganeɛ nwonlomɔ nu,
Ɔluakɛ meva me nwo medo ɛ nwo zo.
9 O Gyihova, die me fi me kpɔvolɛma asa anu.
Wɔ ɛkɛ ne a mekpondɛ banebɔlɛ a.+
10 Kilehile me maa menyɛ mɔɔ ɛkulo la,+
Ɔluakɛ wɔmɔ a ɛle me Nyamenle a.
Wɔ sunsum ne le kpalɛ;
Maa ɔhile me adenle wɔ azɛlɛ sɛsɛ* zo.
11 O Gyihova, wɔ duma ne ati, bɔ me ngoane nwo bane.