Mrɛlɛbulɛ
4 Me mra, bɛdie selɛ ɛdenrɛdenrɛlɛ;+
Bɛyɛ ɛnzolɛ amaa bɛanyia ndelebɛbo,
2 Ɔluakɛ mebamaa bɛ adehilelɛ kpalɛ;
4 Ɔhilehilele me na ɔhanle kɛ: “Maa wɔ ahonle ɛzɔ me edwɛkɛ ne mɔ anu kpalɛ.+
Di me mɛla ne mɔ azo na kɔ zo tɛnla ngoane nu.+
5 Nwu nrɛlɛbɛ, nyia ndelebɛbo.+
Mmamaa ɛ rɛle fi, yɛɛ mmakakyi ɛ nzi ɛsi me edwɛkɛ.
6 Mmakpo nrɛlɛbɛ, na ɔbabɔ ɛ nwo bane.
Kulo nrɛlɛbɛ, na ɔbazinza wɔ.
7 Nrɛlɛbɛ a nwolɛ hyia* kpalɛ a,+ ɔti nwu nrɛlɛbɛ,
Na mɔɔ ɛbanyia ye la kɔsɔɔti anzi, nyia ndelebɛbo.+
8 Bu nrɛlɛbɛ bie kpalɛ, na ɔbakpogya wɔ zo.+
Ɔbali wɔ eni ɔluakɛ wɔyɛ ye atuu.*+
9 Ɔbava ndotolo abotile kɛnlɛma yeazoa wɔ;*
Ɔbava abotile kɛnlɛma yeaziezie wɔ.”
10 Me ra, tie, na die mɔɔ meka la to nu,
Na wɔ ngoane mekɛ bawa.+
12 Saa ɛlɛtia a, debie ɛnrɛdenda ɛ gyakɛ anu;
Yɛɛ saa ɛlɛnriandi a, ɛ gyakɛ ɛnrɛkpula.
13 Sɔ ɛdenrɛdenrɛlɛ nu; mmagyakyi nu.+
Bɔ nwolɛ bane, ɔluakɛ yemɔ a wɔ ngoane gyi zo a.+
14 Mmafa amumuyɛma adenle zo,
Yɛɛ mmadua ɛtanevolɛma adenle nu.+
16 Ɔluakɛ bɛngola da kyesɛ bɛyɛ ɛtane.
Nafelɛ ɛngu bɛ kyesɛ bɛmaa awie tɔ aze.
17 Bɛdi aleɛ mɔɔ bɛdua amumuyɛyɛlɛ zo bɛnyia la,
Yɛɛ bɛno nwanye mɔɔ bɛdua basabasayɛlɛ zo bɛnyia la.
18 Noko tenlenema adenle le kɛ nwonlomɔ wienyi mɔɔ ta la
Ɔta ngyikyi ngyikyi too ɔkɔdwu ewia henlema.+
19 Amumuyɛma adenle le kɛ awozinli;
Bɛnze debie mɔɔ maa bɛkpula la.
20 Me ra, yɛ ɛnzolɛ maa me edwɛkɛ;
Tie mɔɔ meka la kpalɛ.*
21 Mmabu ɛ nye ɛgua zo;
Fa bɛ sie wɔ ahonle nu kpalɛ,+
22 Ɔluakɛ bɛle ngoane bɛmaa bɛdabɛ mɔɔ bɛkɛnwu bɛ la+
Yɛɛ bɛle kpɔkɛdelɛ bɛmaa bɛ sonlabaka ne amuala.*
24 Twe ɛ nwo fi mɛlɛbɛla nwo,+
Na twe ɛ nwo fi adalɛ edwɛkɛ nwo.
25 Maa ɛ nye ɛnlea ɛ nyunlu fɔɔnwo,
Ɛhɛe, maa bɛnlea ɛ nyunlu fɔɔnwo.+
27 Mmatɔ ɛkɔ fema zo anzɛɛ bɛne zo.+
Ye ɛ gyakɛ fi ɛtane nwo.