Edwɛne

142 Metea nu mefɛlɛ Gyihova kɛ ɔboa me;+

Mesu mefɛlɛ Gyihova kɛ ɔnwu me anwunvɔne.

 2 Mewola me adwenleadwenle megua ɔ nyunlu;

Meka me ngyegyelɛ wɔ ɔ nyunlu+

 3 Saa me anwosesebɛ wie a.

Ɛleka mɔɔ mefa la,

Bɛzua me ɛhane bɛvea ɛkɛ.

 4 Nea me sa fema zo na ɛbanwu kɛ

Awie biala ɛndwenle me nwo.*+

Menlɛ ɛleka biala mɔɔ menriandi meahɔ a;+

Me* edwɛkɛ ɛngyia awie biala.

Meka kɛ: “Ɛle me ɛvealeka,+

Mɔɔ melɛ ye* wɔ teasema azɛlɛ zo kɔsɔɔti a.”

 6 Yɛ ɛnzolɛ tie me moalɛ ɛzunlɛ,

Ɔluakɛ bɛbɛlɛ me aze kpalɛ.

Die me fi menli mɔɔ yɛ me kpɔdekpɔde la asa anu,+

Ɔluakɛ bɛ nwo yɛ se tɛla me.

 7 Ye me* fi efiade

Amaa meaye wɔ duma ne ayɛlɛ.

Maa tenlenema ɛbɔ me ɛyia

Ɔluakɛ ɛ nee me ɛli ye boɛ.