Edwɛne

84 O ɛlɔne Gyihova,

Nea kɛzi me nye die wɔ ɛdanlɛsua kpole ne anwo a!+

 2 Me nwo* ɛlɛdɔ ɛkɛ ne kpalɛ,

Ɛhɛe, me kunlu a anrɛɛ

Mewɔ Gyihova sua nu alienwo ɛkɛ.+

 3 Nloma bɔbɔ nyia sua wɔ ɛkɛ

Yɛɛ nyamenleakatiba lɛ ɔ ti anwo sane,

Ɛleka mɔɔ ɔnea ɔ mra la,

Wɔ wɔ afɔlemokyea kpole ne anwo ɛkɛ, O ɛlɔne Gyihova,

Me Belemgbunli nee me Nyamenle!

 5 Anyelielɛ a le menli mɔɔ kpondɛ bɛ anwosesebɛ wɔ wɔ nu,+

Mɔɔ bɛ ahonle wɔ ademgbole ne mɔ anu la.

 6 Saa bɛlua Beeka Bɔnza* ne anu a,

Bɛbu ye kɛ ɔle nzubula;

Na alimoa ezule ne maa ɔnyia nyilalɛ.*

 7 Bɛtia bɛkɔ dahuu noko bɛ anwosesebɛ ɛnwie;+

Bɛ nuhua biala kɔfinde Nyamenle anyunlu wɔ Zayɔn.

 8 O ɛlɔne Gyihova Nyamenle, tie me asɔneyɛlɛ;

Tie, O Gyekɔbo Nyamenle. (Sila)

 9 Nea, yɛ enyinlike+ yɛɛ yɛ Nyamenle,*

Nea sonla ne mɔɔ wɔkpokpa ye la anyunlu.+

Mekulo kɛ megyinla me Nyamenle ne sua nu anlenkɛ ne anloa

Tɛla kɛ mebadɛnla amumuyɛma ɛdanlɛ azua nu.

11 Ɔluakɛ Gyihova Nyamenle le sɛnzɛne+ nee enyinlike;+

Ɔfa ɛlolɛ nee anyunlunyia ɔmaa.

Gyihova ɛnrɛva debie kpalɛ biala

Ɛnrɛvea bɛdabɛ mɔɔ bɛdi nɔhalɛ* la.+

12 O ɛlɔne Gyihova,

Anyelielɛ a le sonla ne mɔɔ fa ɔ nwo to ɛ nwo zo la.+