Ayezaya
1 Ɛnyelɛzodeɛnwunlɛ mɔɔ Emɔzo ara Ayezaya*+ nwunle ye wɔ Dwuda Arelemgbunli Yuzaya,+ Dwotam,+ Ehaze+ yɛɛ Hɛzikaya+ mekɛ zo mɔɔ fale Dwuda nee Gyɛlusalɛm anwo la ɛne:+
2 O anwuma, tie; O azɛlɛ, yɛ ɛzonlɛ tie,+
Ɔluakɛ Gyihova se:
3 Ɛnlankɛ ze ahenle mɔɔ dɔle ye la kpalɛ,
Yɛɛ asoaso ze ɔ menle adidilɛka ne;
Me menli ne ɛnlɛ ndelebɛbo.”
4 Ɛtaneyɛlɛ maanle,
Menli mɔɔ ɛtane ɛyi bɛ tɛkɛɛ,
Amumuyɛma ekpunli, ngakula mɔɔ bɛzɛkye la, bɛ gyakɔ!+
5 Bɛ ɛleka boni bieko a bɛbabɔ wɔ atua mɔɔ bɛlɛkɔ zo bɛade la anwo a?+
Etile mumua ne ɛnde kpɔkɛ,
Yɛɛ ewule ɛha ahonle ne amuala.+
6 Ɔvi bɛ gyakɛ abo kɔdwu bɛ ti zo, debie biala ɛnde kpɔkɛ.
Nwolɛ ɛpepɛ, yekpolokpolo yɛɛ nganlɛ ngome
—Bɛtɛyɛle ye ayile yɛɛ bɛtɛkyekyele anzɛɛ bɛtɛfale nwole bɛtɛkpokpale zo.+
7 Bɛ azɛlɛ ne ɛdɔ mgbane.
Bɛva senle bɛyela bɛ azuamgbole ne mɔ.
Nyɛvolɛ di bɛ azɛlɛ ne azo aleɛ wɔ bɛ nye zo.+
Ɔle kɛ azɛlɛ mgbane mɔɔ nyɛvolɛ ɛzɛkye ye la.+
8 Bɛgyakyi Zayɔn* kɛ vanye egyinli nu kpɔda,
Kɛ kɔkumba ɛya nu kpɔda,
Kɛ suakpole mɔɔ ɛlɔne ɛbɔ ye ɛyia la.+
10 Bɛmɛ Sodɔm tumivolɛma, bɛdie Gyihova edwɛkɛ.+
Bɛmɛ Gomɔla amra, bɛyɛ ɛnzolɛ bɛdie yɛ Nyamenle ne mɛla* ne.+
11 Gyihova se, “Nvasoɛ boni a wɔ bɛ afɔlebɔlɛ dɔɔnwo ne azo maa me a?+
Bɛ mboane nyinli nee nane mɔɔ ɛlɔ la anu ɛnlome ɛyelalɛ afɔlebɔlɛ ne mɔ ɛvonlo me,+
Me nye ɛnlie nlankɛ mralɛ nee mboane mralɛ yɛɛ mbɔnkye mogya nwo.+
13 Bɛmmafa ma afɔlebɔdeɛ mgbane biala bɛba bieko.
Mekyi bɛ ayilevuanlɛ ne.+
Bɛdi siane fofolɛ,+ ɛnwomenlelielɛ kenle ne+ yɛɛ bɛyɛ nyianu+
—Noko me nye ɛnlie bɛ ngonyiayelɛ tumi ne nee bɛ nyianu nwuanzanwuanza ne anwo.+
14 Mekyi* bɛ siane fofolɛ nee bɛ ɛvoyialilɛ ne mɔ.
Bɛyɛ adesoa bɛmaa me;
Mengola bɛ soa bieko.
15 Saa bɛtɛlɛ bɛ sa nu a,
Meye me nye meto ɛbɔ nu.+
17 Bɛzukoa kɛ bɛkɛyɛ kpalɛ, bɛkpondɛ pɛlepɛlelilɛ,+
Bɛdenrɛdenrɛ nzisinli ne,
Bɛli arisa ralɛ edwɛkɛ bɛmaa ye,
Na bɛkpa ahunlanvolɛ ati kyɛlɛ.”+
18 Gyihova se, “Akee bɛrɛla bɛmaa yɛziezie yɛ avinli.+
Bɛ ɛtane ne mɔ le kɔkɔlɛ weɔɔnwo bɔbɔ ɛdeɛ,
Noko bɛbayɛ fufule kɛ ezukɔtweaba;+
Bɛle kɛ ebo bɔbɔ ɛdeɛ,
Noko bɛbayɛ nwohyee kɛ boane enrinli la.
19 Saa bɛfi bɛ ɛhulolɛ nu bɛtie me a,
Bɛbali ninyɛne mgbalɛ mɔɔ wɔ azɛlɛ ne azo la bie.+
21 Nea kɛzi nɔhalɛlilɛ sua ne+ ɛhakyi tuutuunli ɛ!+
23 Bɛ mgbanyima anzo yɛ se yɛɛ bɛ nee nwule a tu a.+
Bɛ nuhua ko biala kulo belaebo yɛɛ bɛpele bɛkpondɛ ahyɛlɛdeɛ.+
Bɛnli pɛlepɛle bɛmmaa nrisa,
Yɛɛ bɛndwenle ahunlanvolɛ edwɛkɛ nwo.+
24 Yemɔti, kɛ ɛlɔne Gyihova, nɔhalɛ Awulae ne,
Yizilayɛ Tumivolɛ Ko ne se la ɛne:
“Aa! Mebaye me agbɔvolɛ meavi me nwo,
Na meali menli mɔɔ kyi me la nzenralɛ.+
25 Mebahwe ɛ nzo,
Mebaholo wɔ meadu wɔ nu evinli ne kɛ melɛfa saminla meadu evinli la,
Na mebaye evinli biala mɔɔ wɔ wɔ nu la.+
26 Mebava wɔ ndɛnebuavolɛma meamaa wɔ bieko kɛ mɔlebɛbo ne
Yɛɛ wɔ folɛtuvoma kɛ alimoa ne la.+
Ɛhye anzi bɛbavɛlɛ wɔ Tenleneyɛlɛ Suakpole, Nɔhalɛlilɛ Sua.+
27 Bɛbava pɛlepɛlelilɛ bɛalie Zayɔn,+
Na bɛava tenleneyɛlɛ bɛalie ye menli mɔɔ bazia ara la.
29 Ɔluakɛ bɛbaze nyiane wɔ mbaka mgbole ne mɔɔ ɛnee bɛkulo la anwo,+
30 Ɔluakɛ bɛbayɛ kɛ baka kpole mɔɔ ye nya ɛlɛkpolo,+
Yɛɛ tola mɔɔ nzule ɛnle nu la.
31 Nrenyia mɔɔ anwo yɛ se la bayɛ kɛ nyɛma,*
Na ye gyima ayɛ kɛ senle mɔɔ ɛlɛtudu;
Bɛ mu nwiɔ bɛbayela wee,
Na awie biala ɛnrɛhola ye nua.”