Edwɛne
78 Me menli, bɛdie me mɛla* ne;
Bɛgyele bɛ nzo bɛdie me nloa anu edwɛkɛ.
2 Mebabuke me nloa wɔ ɛrɛlɛbulɛ nu.
Mebaha tete agyebɛ nwo edwɛkɛ.+
3 Mɔɔ yɛde nee mɔɔ yɛze,
Mɔɔ yɛ papa mɔ hanle hilele yɛ la,+
4 Yɛnrɛva yɛnrɛvea bɛ bo zo amra;
Yɛbaha yɛahile awolɛndoazo mɔɔ bara la+
Ninyɛne mɔɔ fɛta ayɛlɛyelɛ mɔɔ Gyihova ɛyɛ nee ye anwosesebɛ,+
Nwanwane ninyɛne mɔɔ yeyɛ la.+
5 Ɔvale ngakyelɛ ɔmaanle Gyekɔbo
Na ɔlile mɛla wɔ Yizilayɛ;
Ɔzele yɛ nenyia mɔ
Kɛ bɛha ɛhye mɔ bɛhile bɛ mra,+
6 Amaa awolɛndoazo bieko,
Ngakula mɔɔ bɔ zo mɔɔ bɛbawo bɛ la anwu ye.+
Na bɛdabɛ noko bɛaha bɛahile bɛ mra.+
7 Na bɛanyia anwodozo wɔ Nyamenle anu.
8 Na bɛanyɛ kɛ bɛ nenyia mɔ,
Awolɛndoazo anzosesebɛma nee atuadelɛma,+
Awolɛndoazo mɔɔ bɛ ahonle anzi pi*+
Na bɛanli nɔhalɛ bɛammaa* Nyamenle la.
9 Ɛnee Yifelaemma dedɛ ɛda,
Noko wɔ konle kenle ne, bɛnriandile.
13 Ɔkpakyele nyevile ne anu ɔmaanle bɛluale nu,
Yɛɛ ɔmaanle azule ne dwazole gyinlanle kɛ bane.+
15 Ɔkpukele bodane nu wɔ fienemgbole ne anu,
Ɔmaanle bɛnlonle nzule ɔdele bɛ kɛ asɛɛ ɔvi azule kuma nu la.+
16 Ɔmaanle azudenle vi bodane nu rale
Yɛɛ ɔmaanle nzule zenle kɛ azule la.+
17 Noko bɛhɔle zo bɛyɛle ɛtane bɛtiale ye,
Bɛdele Anwuma Anwumanli ne anwo atua wɔ ɛsɛlɛ ne azo;+
18 Bɛ nee Nyamenle dwudwule* wɔ bɛ ahonle nu+
Bɛbizale aleɛ mɔɔ bɛ ti akunlu rale zolɛ la.*
19 Ɔti bɛdendɛle bɛtiale Nyamenle,
Bɛhanle kɛ: “Asoo Nyamenle bahola ado yɛ ɛkponle wɔ fienemgbole ye anu?”+
20 Nea! Ɔbɔle bodane
Ɔmaanle nzule rale na azudenle yile bule aze.+
“Asoo eza ɔkɛhola ɔkɛmaa yɛ aleɛ,
Anzɛɛ ɔkɛhola ɔkɛmaa ye menli ne nane ɔ?”+
21 Mɔɔ Gyihova dele la, ɔvale ɛya kpole;+
Senle+ dɔle Gyekɔbo avinli,
Na ɔvale Yizilayɛ anwo ɛya+
22 Ɔluakɛ bɛannyia Nyamenle anu diedi;+
Bɛannyia anwodozo kɛ ɔlɛ tumi ɔdie bɛ.
23 Ɔti ɔdendɛle ɔhilele anwomanyunlu amungu,
Na ɔbukele anwuma nlenkɛ ne mɔ.
24 Ɔmaanle mana dɔle kɛ ezule ɔmaanle bɛlile;
Ɔmaanle bɛ anwuma aleɛ.+
26 Ɔmaanle aduduleɛ anwoma ne dule anwuma lɔ
Na ɔluale ye tumi zo ɔmaanle nyiakɛ anwoma ne bɔle.+
27 Na ɔmaanle nane dɔle guale bɛ nwo zo kɛ munlutu,
Nee nloma kɛ ɛnweazo ɛnwea.
28 Ɔmaanle bɛdele bɛguale ye azokoɛleɛ ne avinli,
Ye ɛdanlɛ azua ne mɔ amuala anwo.
29 Na bɛlile na bɛ ko yile bole zo;
Ɔmaanle bɛnyianle mɔɔ bɛ ti akunlu rale zo la.+
30 Noko mekɛ mɔɔ bɛ atiakunluwɔzo ne tɛbɔ ɛkɛ,
Mɔɔ bɛ aleɛ ne wɔ bɛ nloa anu la,
31 Nyamenle vale bɛ nwo ɛya.+
Ɔhunle bɛ menli mɔɔ anwo yɛ se kpalɛ la;+
Ɔhanle Yizilayɛ mgbavolɛ ɔguale aze.
33 Ɔti ɔpɛle bɛ ngoane mekɛ zo kɛ ɛnwomenle,+
Na ɔluale munzule mɔɔ ba arɛlevilɛ nu la azo ɔpɛle bɛ ɛvolɛ zo.
34 Noko saa ɔbɔ ɔ bo kɛ ɔku bɛ a, bɛkpondɛ ɔ bo zo;+
Bɛsia bɛ nzi na bɛkpondɛ Nyamenle,
35 Bɛkakye kɛ Nyamenle le bɛ Bodane+
36 Noko bɛbɔle mɔdenle kɛ bɛfa bɛ nloa bɛabɛlɛbɛla ye
Yɛɛ bɛvale bɛ tafinlima bɛbɔle adalɛ bɛhilele ye.
Kɛ anrɛɛ ɔbawola ye ɛya ne amuala yeagua bɛ nwo zo la
Ɔhomonle ye ɛya kpole ne azo.+
40 Nea kɛzi bɛdele ɔ nwo atua fane dɔɔnwo wɔ fienemgbole ne anu+
Na bɛmaanle ɔlile nyane wɔ ɛsɛlɛ ne azo a!+
42 Bɛangakye ye tumi* ne,
Kenle mɔɔ ɔliele bɛ ɔvile kpɔvolɛ ne asa anu la,+
43 Kɛzi ɔyɛle ye sɛkɛlɛneɛ ne mɔ wɔ Yigyibiti+
Nee ye nwanwane ninyɛne ne mɔ wɔ Zowan maanzinli nu la,
44 Nee kɛzi ɔmaanle Naele kanale ne mɔ hakyile mogya+
Amaa bɛangola bɛanno bɛ azudenle ne mɔ bie la.
46 Ɔvale bɛ ɛya nu aleɛ ɔmaanle abɛbɛ mɔɔ sɛkye ninyɛne,
Ɔvale bɛ sa anloa gyima ɔmaanle abɛbɛ dɔɔnwo.+
47 Ɔvale ezuawolɛ ɔzɛkyele bɛ vanye ne mɔ
Na ɔvale ezuawolɛ ɔzɛkyele bɛ sikamɔ mbaka.+
49 Ɔmaanle ye ɛya wuluwulu ne rale bɛ nwo zo,
Ɔvale ɛya kpole, ɔ nye bolole na ɔmaanle bɛ nwo hyelele bɛ,
Anwumabɔvolɛma ɛlɔne vale ngyegyelɛ rale.
50 Ɔzieziele adenle nu ɔmaanle ye ɛya ne.
51 Awieleɛ bɔkɔɔ ne, ɔhunle Yigyibiti belamunli mralɛ kɔsɔɔti,+
Bɛ awolɛ tumi mɔlebɛbo wɔ Ham ɛdanlɛ azua ne mɔ anu.
52 Akee ɔyele ye menli ne ɔvile ɛkɛ ne kɛ mboane ekpunli+
Na ɔhilele bɛ adenle kɛ nane ekpunli la wɔ fienemgbole ne anu.
54 Na ɔvale bɛ ɔrale ye azɛlɛ nwuanzanwuanza ne azo,+
Awoka ɛhye mɔ mɔɔ ɔ sa fema ne maanle ɔnyianle la.+
55 Ɔvoanle maanle maanle ɔvile bɛ nye zo;+
Ɔvale ɛzuzunyɛma ɔhyɛle agyapadeɛ ɔmaanle bɛ;+
Ɔmaanle Yizilayɛ mbusua dɛnlɛdɛnlanle bɛ awuke nu.+
56 Noko bɛhɔle zo bɛ nee Anwuma Anwuma Nyamenle ne dwudwule,* na bɛdele ɔ nwo atua;+
Bɛanyɛ ɛnzolɛ bɛandie ye ngakyelɛ ne mɔ.+
57 Bɛdabɛ noko bɛhakyile bɛ nzi bɛzile ye na bɛanli nɔhalɛ kɛ bɛ nenyia mɔ la.+
Ɛnee bɛle kɛ ɛda mɔɔ anu ɛdo la,+ bɛangola bɛanva bɛ nwo bɛando bɛ nwo zo.
59 Nyamenle nwunle ye na ɔvale ɛya kpole,+
Ɔti ɔkpole Yizilayɛ bɔkɔɔ.
61 Ɔmaanle bɛvale debie mɔɔ gyi ɛkɛ ne maa ye anwosesebɛ ne la bɛhɔle akɛlɛzonlenlɛ nu;
Ɔvale ye anyunlunyia ne ɔwulale ye kpɔvolɛ ne asa anu.+
62 Ɔmaanle bɛvale konle dadeɛ bɛhuhunle ye menli ne+
Na ɔvale ye agyapadeɛ ne anwo ɛya kpole.
63 Senle yelale ye mgbavolɛ ne mɔ,
Yɛɛ bɛando atɔfolɛ edwɛne bɛammaa ye mbɛlɛra ne mɔ.*
66 Na ɔmaanle ye kpɔvolɛma ziale bɛ nzi;+
Ɔmaanle bɛ nyunlu guale aze bɔkɔɔ.
67 Ɔkpole Dwosefi ɛdanlɛsua ne;
Yeamkpa Yifelaem abusua ne.
69 Ɔmaanle ye ɛzonlenlɛsua ne gyinlanle ɛkɛ ne kpundii kɛ anwuma la,*+
Kɛ azɛlɛ ne mɔɔ yeva yezie ɛkɛ ne dahuu la.+