Bɔ Mɔdenle Kɛ Ɛbazukoa Ninyɛne Fofolɛ

Saa yɛlɛsiezie yɛ nwo yɛazukoa debie a, yɛbahola yɛabiza yɛ nwo kɛ, ‘Duzu a mekulo kɛ mesukoa a?’ Noko ɔwɔ kɛ yɛnea boɛ na yɛammaa ninyɛne mɔɔ yɛkulo kɛ yɛsukoa la angeda mɔɔ Gyihova ɛlɛkilehile yɛ la azo. Duzu a baboa yɛ yeamaa yɛazukoa ninyɛne fofolɛ a?

Yɛ asɔne sɛlɛ nrɛlɛbɛ. Sɛlɛ Gyihova kɛ ɔboa wɔ ɔmaa ɛnwu mɔɔ ɔkulo kɛ ɛsukoa ye kɛkala la. (Gye. 1:5) Mmanyia adwenle kɛ mɔɔ ɛze ye dɛba la ala le kpalɛ.—Mrɛ. 3:​5, 6.

Maa tumi mɔɔ wɔ Baebolo ne anu la ɛboa wɔ. “Nyamenle edwɛkɛ ne de ngoane nu.” (Hib. 4:12) Mekɛ ko biala mɔɔ yɛbagenga Baebolo ne la, Nyamenle “edwɛkɛ” ne bahola aha yɛ ɛbɛlabɔlɛ wɔ adenle gyɛne zo, noko kyesɛ yɛdie yɛto nu kɛ yɛhyia ninyɛne mɔɔ yɛlɛsukoa yɛavi nu la anwo.

Maa ɛ nye ɛzɔ debie biala mɔɔ Gyihova balua zo ahilehile wɔ la. Ye sunsum nu aleɛ ne le kɛ “aleɛ kpalɛ” mɔɔ ɔlɛfa yeado yɛ ɛkponle la. (Aye. 25:6) Mmasuhu “aleɛ” mɔɔ ɛnea a ɛ nye ɛnrɛlie nwolɛ la ɛsie ahane. Saa wɔanzuhu ye wɔanzie ahane a, ɔbaboa wɔ na eza ɔbamaa ɛ nye alie ninyɛne mɔɔ Nyamenle fa maa yɛ la anwo kpalɛ!