Dolɔdolɔ Nvoninli Mɔɔ Bamaa Wɔahakye Edwɛkɛ La

Bie a ɛle kɛ yɛ nuhua dɔɔnwo la, ɔyɛ a ɔyɛ se kɛ ɛbahakye ninyɛne mɔɔ ɛsukoa la. Noko ɔnyɛ se kɛ ɛbahakye Gyisɛse ngilehilelɛ ne dɔɔnwo ɔluakɛ ɛnee ɔta ɔfa ndonwo ɔdi gyima. Ɛkola ɛpɛ ninyɛne mɔɔ Gyisɛse hanle nwolɛ edwɛkɛ la nvoninli wɔ wɔ adwenle nu, na yemɔ boa wɔ ɔmaa ɛkakye ye ngilehilelɛ ne. Zɔhane ala a saa ɛdawɔ noko ɛpɛ ninyɛne mɔɔ ɛsukoa la anwo nvoninli a, ɛbahola wɔahakye edwɛkɛ dɔɔnwo a. Kɛzi ɛbahola wɔayɛ ɛhye ɛ? Saa ɛlɛsukoa debie a anrɛɛ dolɔdolɔ nwolɛ nvoninli.

Menli mɔɔ bɛsukoa debie fofolɛ a bɛdolɔdolɔ nwolɛ nvoninli la ta kakye mɔɔ bɛzukoa la kpalɛ. Bɛnwu ye kɛ saa bɛyɛ ye zɔhane a, tɛ edwɛkɛ agbɔkɛ ne mɔ angome a ɔmaa bɛte ɔ bo a, emomu, eza ɔmaa bɛte edwɛkɛ titili ne mɔ abo. Ninyɛne mɔɔ bɛdolɔdolɔ la ɛnle kpomgbondee—ɔle debie sikalɛ bie ala. Daselɛ kile kɛ saa mgbanyinli noko yɛ ye zɔhane a, ɔboa bɛ kpalɛ.

Mekɛ bieko mɔɔ ɛlɛsukoa debie la, ɛbahola wɔadolɔdolɔ mɔɔ ɛlɛsukoa la anwo nvoninli bie mɔ. Wɔannea a ninyɛne dodo mɔɔ ɛbahola wɔahakye la bazi ɛ nwo!