Debie Mɔɔ Ɛbahola Wɔazukoa La

Kɛ Ɔkɛyɛ Na Wɔahakye Ndelebɛbo Fofolɛ Mɔɔ Yɛnyia La

Yɛde mekɛ mɔɔ yɛ anyelielɛ la anu. Gyihova ɛlɛmaa yɛade nɔhalɛ mɔɔ wɔ Baebolo ne anu la abo kpalɛ ngyikyingyikyi yeadɛla mekɛ biala. (Dan. 12:4) Yemɔ bɔbɔ, bie a ɔbayɛ se kɛ yɛbahakye Baebolo nu nɔhalɛ ne anwo ndelebɛbo fofolɛ mɔɔ yɛnyia la. Nienwu a yɛbanwu ndelebɛbo fofolɛ ɛhye mɔ mɔɔ bɛhilehile nu la a?

• Wɔ Watch Tower Publications Index ne anu, ɛbanwu ndelebɛbo fofolɛ ɛhye mɔ nee ɛvolɛ mɔɔ bɛhilehilele nuhua la amuala wɔ edwɛkɛtile “Beliefs Clarified” abo. Saa ɛkpondɛ kɛ ɛnwu bie a, buke Watchtower Library ne anzɛɛ Watchtower ONLINE LIBRARY^™ ne na kɛlɛ “understanding clarified” (anrɛɛ fa wula nzonlɛyɛlɛ sɛkɛlɛneɛ ne (“”) anu) wɔ kpondɛ ɛlɛka ne anu.

• Nuhua ekyi wɔ Gyihova Alasevolɛ Neɛnleanu Buluku ne anu. Kɔ “Gyihova Alasevolɛ” abo, akee kɔ “Nzuzulɛ Nee Diedi,” na akee kɔ “Yɛ Diedi Ne Anwo Ndelebɛbo Fofolɛ.”

Duzu ati a ɛnva ɛnyɛ wɔ ngyehyɛleɛ kɛ ɛbayɛ ndelebɛbo fofolɛ bie mɔɔ yɛnyia ye kenlensa ye nee Ngɛlɛlera mɔɔ bɛgyinlanle zo bɛyɛle nzenzaleɛ ne la anwo neɛnleanu wɔ ɛ ti anwo debiezukoalɛ bo ɛ?