Ɛzela
3 Mɔɔ siane nsuu ne+ dwule na Yizilayɛma wɔ bɛ azua ne mɔ azo la, bɛbɔle nu bɛyiale wɔ Gyɛlusalɛm. 2 Gyɛhozadake ara Gyɛhyua+ nee ɔ gɔnwo mɔ ɛsɔfoma yɛɛ Hyealeteɛle+ ara Zɛlubabɛle+ nee ɔ mediema mrenyia ne mɔ dwazole na bɛzile Yizilayɛ Nyamenle ne afɔlemokyea ne, amaa bɛabɔ ɛyelalɛ afɔle wɔ zo, kɛ mɔɔ ɛnee bɛhɛlɛ ye wɔ nɔhalɛ Nyamenle ne sonvolɛ Mosisi Mɛla ne+ anu la.
3 Yemɔti bɛzile afɔlemokyea ne wɔ ɔ bo zo ne, ɔnva nwo kɛ ɛnee bɛsulo menli mɔɔ wɔ azɛlɛ mɔɔ ɛbɔ bɛ ɛyia azo la,+ na bɛbɔle ɔ bo bɛbɔle ɛyelalɛ afɔle wɔ zolɛ bɛmaanle Gyihova, nwonlomɔ nee nɔsolɛ nu ɛyelalɛ afɔlebɔlɛ ne mɔ.+ 4 Akee bɛlile Kpɔda Bo Ɛdɛnlanlɛ* Ɛvoyia ne kɛ mɔɔ bɛhɛlɛ bɛdo ɛkɛ ne la,+ na alehyenlɛ biala bɛbɔle ɛyelalɛ afɔle dodo mɔɔ ɛnee ɔwɔ kɛ bɛbɔ ye kenle ko biala la.+ 5 Ɛhye mɔ anzi, bɛbɔle afɔle mɔɔ bɛbɔ ye dahuu la,+ siane fofolɛ afɔlebɔlɛ ne mɔ,+ Gyihova ɛvoyia nwuanzanwuanza ne mɔ+ kɔsɔɔti ɛdeɛ ne mɔ yɛɛ awie biala mɔɔ vile ye ɛhulolɛ nu vale afɔlebɔdeɛ+ maanle Gyihova la afɔlebɔlɛ ɛdeɛ ne mɔ. 6 Siane nsuu ne kenle mɔɔ limoa+ la, bɛbɔle ɔ bo bɛbɔle ɛyelalɛ afɔle bɛmaanle Gyihova ɔnva nwo kɛ ɛnee bɛtɛwulale Gyihova ɛzonlenlɛsua ne adiabo ne la.
7 Bɛmaanle menli mɔɔ se awolɛ+ nee dwinvolɛma+ ezukoa, yɛɛ bɛmaanle Saedɛnema nee Tayama aleɛ, nwanye yɛɛ nwole amaa bɛava sida mbaka bɛalua nyevile zo bɛavi Lɛbanɔn bɛara Dwɔpa+ kɛ mɔɔ Pɛhyea Belemgbunli Saelɛse maanle bɛ adenle kɛ bɛyɛ la.+
8 Mɔɔ bɛrale nɔhalɛ Nyamenle ne sua ne anwo wɔ Gyɛlusalɛm la, ye ɛvolɛ nwiɔ ne anu wɔ siane nwiɔ ne azo, Hyealeteɛle ara Zɛlubabɛle, Gyɛhozadake ara Gyɛhyua nee bɛ mediema mrenyia mɔɔ ɛha la, ɛsɔfo ne mɔ nee Livaema ne yɛɛ menli mɔɔ vi akɛlɛzonlenlɛ nu rale Gyɛlusalɛm la kɔsɔɔti+ bɔle gyima ne abo; bɛyele Livaema mɔɔ bɛli ɛvolɛ 20 mɔɔ kɔ la kɛ bɛnlea Gyihova sua ne anwo gyima ne azo. 9 Yemɔti Gyɛhyua, ɔ mra mrenyia nee ɔ mediema mrenyia ne mɔ yɛɛ Kademeɛle nee ɔ mra mrenyia ne mɔ, Dwuda abozoamra ne bɔle nu nleanle menli mɔɔ ɛlɛyɛ gyima wɔ nɔhalɛ Nyamenle ne sua ne anwo la anwo zo. Bɛ nee Hɛneedade abozoamra,+ bɛ mra mrenyia nee bɛ mediema mrenyia mɔɔ bɛdabɛ noko bɛle Livaema la.
10 Mɔɔ suasivoma ne wulale Gyihova ɛzonlenlɛsua ne adiabo ne la,+ akee ɛsɔfo ne mɔ wulale bɛ ɛsɔfo adɛladeɛ na bɛvale aweɛne ndendenle,+ yɛɛ Livaema ne, Esafe amra ne mɔ vale mbulalɛ mɔɔ dielie la na bɛdwazole kɛ bɛye Gyihova ayɛlɛ kɛ mɔɔ Yizilayɛ Belemgbunli Devidi hilele la.+ 11 Bɛdole ayɛlɛyelɛ nee moyɛlɛ edwɛne bɛmaanle Gyihova na bɛliele zo+ kɛ, “ɔluakɛ ɔle kpalɛ; ye ɛlɔlɛ kpundii ne wɔ ɛkɛ ne maa Yizilayɛ dahuu.”+ Akee menli ne kɔsɔɔti deɛdeanle nu yele Gyihova ayɛlɛ ɔluakɛ ɛnee bɛdo Gyihova sua ne adiabo ne. 12 Ɛsɔfo ne mɔ, Livaema nee mbusua mgbanyima ne mɔ anu dɔɔnwo—mrenyia mgbanyinli mɔɔ nwunle sua dɛba ne la+—maanle bɛ ne zo zunle wɔ mekɛ mɔɔ bɛnwunle kɛ bɛdo sua ne adiabo la, na menli gyɛne dɔɔnwo noko vale anyelielɛ deɛdeanle nu kpole kpalɛ.+ 13 Yemɔti menli ne annwu ngakyile mɔɔ wɔ ɛdeɛdeanlɛ mɔɔ kile anyelielɛ nee ɛdeɛdeanlɛ mɔɔ kile ɛzunlɛ la anu, ɔluakɛ ɛnee menli ne ɛlɛyɛ dede kpole mɔɔ bɛte ye wɔ moamoa kpalɛ a.