Lɛvitikɔso

15 Gyihova doale zo zele Mosisi nee Aalɔn kɛ: 2 “Bɛha bɛhile Yizilayɛma kɛ, ‘Saa nzule vi awie mrenyianu* se gua a, nzule ne mɔɔ ɛze ɛgua la ɛmmaa ɔ nwo ɛnde.+ 3 Nzule ne mɔɔ ɛze ɛgua la ɛmmaa ɔ nwo ɛnde, saa nzule ne vi ye mrenyianu tɛse anzɛɛ ɔpɛ bɔbɔ a, ɔ nwo ɛnde.

4 “‘Ɛkpa mɔɔ awie mɔɔ ɔ nwo nzule se gua la kɛla zo la anwo ɛnde, yɛɛ debie biala mɔɔ ɔkɛdɛnla zo la anwo ɛnde. 5 Awie mɔɔ kɛva ɔ sa kɛha ye ɛkpa la, ɔwɔ kɛ ɔkpo ye adɛladeɛ na ɔbia, yɛɛ ɔ nwo bagua evinli kɔkpula nɔsolɛ nu.+ 6 Awie biala mɔɔ kɛdɛnla debie mɔɔ ahenle mɔɔ ɔ nwo nzule se gua la kɛdɛnla zolɛ la azo la, ɔwɔ kɛ ɔkpo ye adɛladeɛ na ɔbia, yɛɛ ɔ nwo bagua evinli kɔkpula nɔsolɛ nu. 7 Awie biala mɔɔ anwo kɛha ahenle mɔɔ ɔ nwo nzule se gua la, ɔwɔ kɛ ɔkpo ye adɛladeɛ na ɔbia, yɛɛ ɔ nwo bagua evinli kɔkpula nɔsolɛ nu. 8 Saa awie mɔɔ anwo nzule se gua la to nyɛlɛ gua awie mɔɔ anwo te la anwo a, ɔwɔ kɛ ahenle kpo ye adɛladeɛ na ɔbia, yɛɛ ɔ nwo bagua evinli kɔkpula nɔsolɛ nu. 9 Ebia biala mɔɔ ahenle mɔɔ ɔ nwo nzule se gua la kɛdɛnla zo wɔ nane nzi la anwo ɛnde. 10 Awie biala mɔɔ kɛva ɔ sa kɛha debie mɔɔ ɔdɛnlanle zolɛ la anwo bagua evinli kɔkpula nɔsolɛ nu, yɛɛ awie biala mɔɔ kɛzoa zɔhane ninyɛne ne mɔ la, ɔwɔ kɛ ɔkpo ye adɛladeɛ na ɔbia, yɛɛ ɔ nwo bagua evinli kɔkpula nɔsolɛ nu. 11 Saa ahenle mɔɔ ɔ nwo nzule se gua la+ ɛtɛwowole ɔ sa anwo na ɔsɔ awie a, ɔwɔ kɛ zɔhane sonla ne kpo ye adɛladeɛ na ɔbia, yɛɛ ɔ nwo bagua evinli kɔkpula nɔsolɛ nu. 12 Buakɛ biala mɔɔ ahenle mɔɔ anwo se gua la kɛva ɔ sa kɛha ye la, ɔwɔ kɛ bɛbɔ ye, noko debie biala mɔɔ bɛva baka bɛyɛ la ɛdeɛ, ɔwɔ kɛ bɛfa nzule bɛkpuda.+

13 “‘Noko saa nzule ne pɛ na ahenle te kpɔkɛ a, akee ɔbadia kenle nsuu na ɔ nwo ade, na ɔwɔ kɛ ɔkpo ye adɛladeɛ na ɔbia azudenle nu, na ɔ nwo ade.+ 14 Kenle mɔtwɛ ne azo, ɔwɔ kɛ ɔfa abubule nwiɔ anzɛɛ mɔlɔnoma mralɛ nwiɔ+ ɔba Gyihova anyunlu wɔ nyianu ɛdanlɛsua ne anuhɔlɛ na ɔfa ɔmaa ɛsɔfo ne. 15 Ɛsɔfo ne bava ko abɔ ɛtane afɔle na yeava ko ne yeabɔ ɛyelalɛ afɔle, na ɛsɔfo ne bali ɔ ti mgbɔdalɛ wɔ Gyihova anyunlu wɔ nzule ne mɔɔ vi ɔ nwo se gua la anwo.

16 “‘Saa nrenyia nwo ba a, ɔwɔ kɛ ɔfa nzule ɔbia ɔ nwo amuala, yɛɛ ɔ nwo bagua evinli kɔkpula nɔsolɛ nu.+ 17 Tɛladeɛ anzɛɛ nwoma biala mɔɔ anworalɛ ne bie kɛha nu la, ɔwɔ kɛ ɔfa nzule ɔkpo, yɛɛ nwolɛ ɛnrɛde kɔkpula nɔsolɛ nu.

18 “‘Saa nrenyia nee raalɛ da na ɔ nwo ba a, ɔwɔ kɛ bɛbia, yɛɛ bɛ nwo bagua evinli kɔkpula nɔsolɛ nu.+

19 “‘Saa mogya tu raalɛ a, ye amozihɔlɛ evinli ne baha ye too kenle nsuu.+ Awie biala mɔɔ anwo kɛha ye la anwo bagua evinli kɔkpula nɔsolɛ nu.+ 20 Debie biala mɔɔ ɔkɛla zo wɔ ye amozihɔlɛ evinli ne anu la anwo ɛnde, yɛɛ debie biala mɔɔ ɔbadɛnla zo la anwo ɛnde.+ 21 Awie biala mɔɔ anwo kɛha ye ɛkpa la, ɔwɔ kɛ ɔkpo ye adɛladeɛ na ɔbia, yɛɛ ɔ nwo bagua evinli kɔkpula nɔsolɛ nu. 22 Awie biala mɔɔ kɛzɔ debie mɔɔ ɔdɛnlanle zolɛ la anu la, ɔwɔ kɛ ɔkpo ye adɛladeɛ na ɔbia, yɛɛ ɔ nwo bagua evinli kɔkpula nɔsolɛ nu. 23 Saa ɔtɛnla ɛkpa anzɛɛ debie gyɛne biala azo a, awie biala mɔɔ kɛzɔ nu la anwo bagua evinli kɔkpula nɔsolɛ nu.+ 24 Saa nrenyia nee ye da na ye amozihɔlɛ evinli ne bie ka ye a,+ nrenyia ne anwo bagua evinli too kenle nsuu, yɛɛ ɛkpa biala mɔɔ ɔkɛla zo la anwo ɛnde.

25 “‘Saa mogya tu raalɛ kenle dɔɔnwo wɔ mekɛ mɔɔ ye amozihɔlɛ mekɛ ɛtɛdwule la,+ anzɛɛ ɔkɔ amozi na mogya tu ye kyɛ tɛla ye amozihɔlɛ mekɛ ne a,+ mekɛ mɔɔ mogya ne ɛlɛtu ye amuala la ɔ nwo ɛnde kɛ mekɛ mɔɔ yehɔ amozi na ɔ nwo ɛnde ala la. 26 Ɛkpa biala mɔɔ ɔkɛla zolɛ wɔ mekɛ mɔɔ mogya ne ɛlɛtu ye la bayɛ kɛ ɛkpa mɔɔ yela zo wɔ mekɛ mɔɔ yehɔ amozi la,+ yɛɛ debie biala mɔɔ ɔbadɛnla zo la anwo ɛnde kɛ mekɛ mɔɔ yehɔ amozi ala la. 27 Awie biala mɔɔ anwo kɛha ninyɛne ɛhye mɔ la anwo ɛnde, ɔwɔ kɛ ɔkpo ye adɛladeɛ na ɔbia, yɛɛ ɔ nwo bagua evinli kɔkpula nɔsolɛ nu.+

28 “‘Noko saa mogya ne pɛ a, ɔwɔ kɛ ɔtia kenle nsuu na akee ɔ nwo ade.+ 29 Kenle mɔtwɛ ne azo, ɔwɔ kɛ ɔfa abubule nwiɔ anzɛɛ mɔlɔnoma mralɛ nwiɔ+ ɔbɛlɛ ɛsɔfo ne wɔ nyianu ɛdanlɛsua ne anuhɔlɛ.+ 30 Ɛsɔfo ne bava ko abɔ ɛtane afɔle na yeava ko noko yeabɔ ɛyelalɛ afɔle, na ɛsɔfo ne bali ɔ ti mgbɔdalɛ wɔ Gyihova anyunlu wɔ mogya ne mɔɔ dule ye la anwo.+

31 “‘Yemɔti ɔwɔ kɛ ɛmaa Yizilayɛma twe bɛ nwo fi bɛ evinli ne anwo, amaa bɛangua me ɛdanlɛsua ne mɔɔ gyi bɛ avinli la anwo evinli na bɛanwu.+

32 “‘Mɛla mɔɔ fale nrenyia mɔɔ ɔ nwo nzule kɛze kɛgua, nrenyia mɔɔ anwo kɛra na ɔ nwo kɛgua evinli,+ 33 raalɛ mɔɔ wɔ ye amozihɔlɛ evinli nu,+ nrenyia mɔɔ nzule vi ɔ nwo se gua anzɛɛ raalɛ mɔɔ kɛdudu mogya,+ yɛɛ nrenyia mɔɔ nee raalɛ mɔɔ anwo ɛnde kɛla la anwo la ɛne.’”