• ‘Konle Ne Le Gyihova Ɛdeɛ’
    Ɛzinzalɛ Arane (Maanlema Ɛdeɛ)—2016 | No. 5

    • Devidi hanle edwɛkɛ ɛhye mɔɔ maa anwosesebɛ mɔɔ fale Golayate anwo la hilele belemgbunli ne kɛ: “Awie biala mmasulo Golayate.” Ɛnee Sɔɔlo nee ye ɛlɔnema ne ahonle ɛdu ɔlua Golayate ati. Bie a, bɛyɛle nvonleɛ bɛvale bɛ nwo bɛtotole sonla kpole ɛhye anwo na bɛpɛle ye nvoninli wɔ bɛ adwenle nu kɛ bɛ tendenle ɛndwu ye avinli bɔbɔ. Bɛzuzule kɛ kakanyinli ɛhye bali bɛ nwo zo konim ndɛndɛ. Noko Devidi andwenle zɔ. Kɛ mɔɔ yɛbanwu ye la, ɔnwunle ngyegyelɛ ne wɔ adenle fofolɛ zo. Ɔti, ɔhanle kɛ ɔ nee Golayate kaho.​—1 Samoɛle 17:32.

  • ‘Konle Ne Le Gyihova Ɛdeɛ’
    Ɛzinzalɛ Arane (Maanlema Ɛdeɛ)—2016 | No. 5

    • Devidi nwunle kɛzi Golayate kpole de anzɛɛ ye akodeɛ ne mɔ. Noko Devidi ammaa ninyɛne ɛhye mɔ andu ye ahonle. Yeanyɛ Sɔɔlo nee ye ɛlɔnema ne nvonleɛ ne bie. Devidi anva ɔ nwo antoto Golayate anwo. Emomu, ɔvale Golayate ɔtotole Gyihova anwo. Golayate tendenle kɛyɛ mita nsa, ɔwale ɔtɛla mrenyia mɔɔ ɛha la, noko saa ɛfa ye ɛtoto Tumivolɛ ne mɔɔ bɔle anwuma nee aze la anwo a kɛzi ye kpole de ɛ? Nɔhalɛ nu, kɛ mɔɔ sonla biala de la, ɛnee ɔle kɛ kɛkɛba ala mɔɔ ɛnee Gyihova ɛyɛ kɛ ɔsɛkye ye a!

      Devidi nriandile hɔle ye kpɔvolɛ ne anwo zo, na ɔyele bolɛ ɔvile ye kodoku ne anu. Ɔvale ɔwulale ye totoabɔ ne anu na ɔbilile ye wɔ anwomanyunlu too mɔɔ ɛte ɔ ne. Golayate mɔɔ bie a ɔli ye enyinlike soavolɛ ne anzi la dudule agyakɛ bikyele Devidi. Kɛmɔ ɛnee Golayate wale bo zo la ati, ɛnee ɔyɛ se kɛ ye enyinlike soavolɛ ne bahola adende enyinlike ne anwuma ava abɔ kakanyinli ne ati anwo bane. Na ɛkɛ ne a Devidi vale ye adwenle ziele a.​—1 Samoɛle 17:41.

      Devidi ɛlɛbili ye totoabɔ ne anwomanyunlu na ɔlɛnriandi yeahɔyia Golayate

      Devidi nwunle kɛ kakanyinli bɔbɔ le debie ekyi wɔ Gyihova Nyamenle anye zo

  • Devidi Nee Golayate—Ɔle Edwɛkɛ Mɔɔ Zile Amgba Ɔ?
    Ɛzinzalɛ Arane (Maanlema Ɛdeɛ)—2016 | No. 5

    • 1 | Asoo sonla tendenle kɛhola kɛyɛ mita nsa ɔ?

      Bɛva kakanyinli Golayate bɛtoto sogyanli bie anwo

      Baebolo ne ka kɛ Golayate tendenle “kɛyɛ mita nsa.” (1 Samoɛle 17:4) Bie mɔ kile kɛ Golayate tendenle ɛndwu zɔ, noko suzu nwo: Ɛnɛ, sonla mɔɔ wale kpalɛ mɔɔ bɛyɛ ɔ nwo kɛlɛtokɛ la bo mita 2.7. Asoo ɔle nɔhalɛ kɛ Golayate tendenle ne ɛndwu zɔ ɔ? Ɔboka Relɛfeeyem abusua ne anwo, menli mɔɔ bɛze bɛ kɛ bɛle mgbole ndendenle la. Yigyibitima kɛlɛtokɛ mɔɔ ɔvi ɛvoya 13 K.Y.M. la kile kɛ kovolɛma bie mɔɔ anwo yɛ ɛzulolɛ mɔɔ ɛnee bɛde Keena azɛlɛ zo la ndendenle le mita 2.4. Ɔti, Golayate wale bo zolɛ ɛdeɛ, noko ɔle nɔhalɛ edwɛkɛ.