• Ɔmanle Ye Nyamenle Ne Kyekyele Ɔ Rɛle
    Sukoa Bɛ Diedi

    • 20, 21. (a) Ka ninyɛne mɔɔ Yilaegya nwunle ye wɔ bolɛ bɔne ne anloa la anwo edwɛkɛ. (b) Duzu a Gyihova tumi ne mɔɔ ɔlale ye ali la manle Yilaegya nwunle ye a?

      20 Kɛzi Gyihova lile Yilaegya ɛzulolɛ nee ye ngyianlɛ nwo gyima ɛ? Anwumabɔvolɛ ne zele Yilaegya kɛ ɔhɔgyinla bolɛ bɔne ne anloa. Ɔyɛle ye zɔ noko ɛnee ɔnze mɔɔ bazi a. Ahumu kpole bie dule! Ɔbayɛ kɛ ɔyɛle dede kpalɛ, ɔluakɛ ɔ nloa ɛsesebɛ ne manle awolɛ kpukekpukele. Pɛ Yilaegya mɔɔ ɔlɛfa ɔ sa yeawa ɔ nye na mekɛ ko ne ala ɔlɛsɔ ye tɛladeɛ ɛnlomboɛ ne mɔɔ bɛva enrinli bɛnwo mɔɔ anwoma ɛlɛbɔ nu la anwo nvoninli nea. Akee ɔwɔ kɛ ɔbɔ mɔdenle ɔgyinla ɔ gyakɛ azo, ɔluakɛ azɛlɛ ne kpusule! Yeangyɛ biala senle vindele azɛlɛkpusulɛ ne anzi, senle ne wuluwulu ne manle ɔziale ɔhɔveale bolɛ bɔne ne anu bieko.—1 Arl. 19:11, 12.

      Yilaegya gyinlanle bolɛ bɔne ne anloa na ɔvale ɔ sa ɔwoale ɔ nye

      Gyihova vale ye tumi kpole ne kyekyele Yilaegya arɛle na ɔmanle ye anwosesebɛ

      21 Edwɛkɛ ne maa yɛnwu kɛ ɛnee Gyihova ɛnle nwanwane ninyɛne mɔɔ ɔsisile la anu. Ɛnee Yilaegya ze kɛ Gyihova ɛnle nwɔra nu nyamenle kɛ Beeyale mɔɔ ye azonvolɛ adalɛma ne dwenlenle kɛ ɔdaye a “ɔnea amungu” ne azo anzɛɛ ɔmaa ezule tɔ la. Tumi mɔɔ wɔ ewiade kɔsɔɔti la vi Gyihova na eza ɔle kpole ɔtɛla debie biala. Anwuma nehane bɔbɔ le ekyi maa ye! (1 Arl. 8:27) Kɛzi ɛhye mɔ amuala boale Yilaegya ɛ? Kakye kɛzi ɛzulolɛ hanle ye la. Kɛmɔ ɛnee Gyihova, Nyamenle mɔɔ Ye tumi ne bo debie biala azo la wɔ Yilaegya afoa la ati, ɛnee ɔnle kɛ Yilaegya sulo Ehabe nee Gyɛzɛbɛle!—Bɛgenga Edwɛndolɛ 118:6.

      22. (a) Kɛzi “ɛnelɛ nretee” ne manle Yilaegya anwosesebɛ kɛ ɔ nwo hyia ɛ? (b) Nwane a ɔzɔho kɛ “ɛnelɛ nretee” ne vi ye a? (Nea ɔ bo ɛkɛ edwɛkɛ ne.)

      22 Senle ne nlunle la, ɛkɛ ne yɛle diinyi, na Yilaegya dele “ɛnelɛ nretee bie.” Ɔhanle ye bieko kɛ Yilaegya ɛha mɔɔ ɛlɛgyegye ye la, na ɔyɛle ye zɔ.a Ɔbayɛ kɛ ɛhye manle ye ahonle dɔle ye azule nu bieko. Nɔhalɛ nu, edwɛkɛ mɔɔ doa zo mɔɔ “ɛnelɛ nretee” ne hanle la kyekyele Yilaegya arɛle. Gyihova manle Yilaegya nwunle ye kɛ ɔ nye die ɔ nwo kɛ ye sonvolɛ. Wɔ adenle boni azo? Nyamenle lale bodane dɔɔnwo mɔɔ ɔlɛ ye mɔɔ fane konle mɔɔ ɔbava yeadoa Beeyale ɛzonlenlɛma mɔɔ bɛwɔ Yizilayɛ la ali. Ɔda ali kɛ gyima ɛsesebɛ mɔɔ Yilaegya yɛle la anyɛ mgbane, ɔluakɛ ɛnee Nyamenle bodane ɛlɛba nu. Bieko, Gyihova vale Yilaegya lile gyima kɛ ngapezonli na ɔmanle ye adehilelɛ titile bie mɔ.—1 Arl. 19:12-17.

  • Ɔmanle Ye Nyamenle Ne Kyekyele Ɔ Rɛle
    Sukoa Bɛ Diedi

    • a Ɔbayɛ kɛ ɛnee “ɛnelɛ nretee” ɛhye vi sunsum nu abɔdeɛ ko ne ala mɔɔ ɔhɔhanle ‘Gyihova edwɛkɛ’ ne mɔɔ wɔ 1 Arelemgbunli 19:9 la. Bɛha sunsum ɛhye anwo edwɛkɛ wɔ ngyɛnu 15 ne anu kɛ ye mɔ a le ‘Gyihova.’ Ɛhye maa yɛkakye anwumabɔvolɛ ne mɔɔ Gyihova manle ɔhilele Yizilayɛma adenle wɔ fienemgbole ne anu na Nyamenle hanle kɛ: “Ɔgyi me gyakɛ anu” la. (Ade. 23:21) Yɛnrɛhola yɛnrɛzi ye pi ɛdeɛ, noko kolaa na Gyisɛse ara azɛlɛ ye azo kɛ sonla la, ɛnee ɔdaye a ɔle “Edwɛkɛ ne” a, Kpɔmanvolɛ titile mɔɔ ɔgyi Gyihova nee ye azonvolɛ avinli.—Dwɔn 1:1.