KPUYA 6
Duzu a Baebolo ne hanle ye wɔ Mɛzaya ne anwo a?
NGAPEZO
“Wɔmɔ, O Bɛtelɛhɛm Ɛfelata, . . . wɔ nuhua a awie vi baragyinla me gyakɛ anu na yeayɛ Yizilayɛ tumivolɛ a.”
KƐZI ƆRALE NU
“Mɔɔ bɛwole Gyisɛse wɔ Bɛtelɛhɛm mɔɔ wɔ Dwudiya wɔ Belemgbunli Hɛlɔdo mekɛ zo la, nea! nwɔlɔra neɛnleanuma bie vi Aduduleɛ rale Gyɛlusalɛm.”
NGAPEZO
“Bɛhyɛle me tɛladeɛ aguzo ne, na me tɛladeɛ ne mɔɔ vea ɔ bo la, bɛguale nwolɛ ma.”
KƐZI ƆRALE NU
“Mekɛ mɔɔ sogyama ne bɔle Gyisɛse baka nu la, bɛvale ye tɛladeɛ aguzo ne na bɛhyɛle nuhua nna . . . Noko ɛnee tɛladeɛ ne mɔɔ vea ɔ bo la doa nuhua ko, bɛnwonle ye ɔvi anwuma badwu aze. Yemɔti bɛhanle bɛhilele bɛ nwo ngoko kɛ: ‘Bɛmmamaa yɛtete nu, bɛmaa yɛgua nwolɛ ma na yɛnlea mɔɔ ɔbayɛ ye ɛdeɛ la.’”
NGAPEZO
“Ɔbɔ ye mbowule kɔsɔɔti anwo bane; ko bɔbɔ ɛmbu.”
KƐZI ƆRALE NU
“Mɔɔ bɛdwule Gyisɛse anwo ɛkɛ la, bɛnwunle kɛ yewu dɛbadɛba yemɔti bɛambubu ɔ gyakɛ.”
NGAPEZO
“Yɛ mɛladonlɛ ti a bɛbodɛbodale ye a.”
KƐZI ƆRALE NU
“Sogyama ne mɔ ko vale atwɛ wɔle ɔ nvenle foa ko na ɛkɛ ne ala mogya nee nzule hwinle guale.”
NGAPEZO
“Bɛvale dwɛtɛ fufule 30 bɛduale me kakɛ.”
KƐZI ƆRALE NU
“Akee Bulu Nee Nwiɔ ne anu ko mɔɔ bɛfɛlɛ ye Dwudase Yesekaleɔto la hɔle ɛsɔfo mgbanyinli ne mɔ ɛkɛ na ɔhanle kɛ: ‘Meye ye memaa bɛ a, duzu a bɛbava bɛamaa me a?’ Bɛyɛle kɛ bɛbamaa ye dwɛtɛ fufule 30.”