Kɛ Ɔkɛyɛ Na Yɛ Ɛzonlenlɛ Azɔ Nyamenle Anye Ɛ?

Kɛ mɔɔ yɛlimoa yɛzukoa la, tɛ ɛzonlenlɛ kɔsɔɔti a sɔ Nyamenle anye a. Noko akee, yɛbahola yɛazonle yɛ Bɔvolɛ ne wɔ adenle mɔɔ bamaa ɔ nye alie la azo. “Ɛzonlenlɛ” boni a sɔ Nyamenle anye a? (Gyemise 1:​27) Nea mɔɔ Baebolo ne kilehile la.

1. Duzu a ɔwɔ kɛ yɛ ɛzonlenlɛ ne gyinla zo a?

Ɔwɔ kɛ yɛ ɛzonlenlɛ ne gyinla Baebolo ne azo. Gyisɛse hanle hilele Nyamenle kɛ: “Wɔ edwɛkɛ le nɔhalɛ.” (Dwɔn 17:​17) Ɛzonlenlɛ bie mɔ bu bɛ nye gua nɔhalɛ ne mɔɔ wɔ Nyamenle Edwɛkɛ Baebolo ne mɔɔ bɛvale ye sunsum ne bɛhɛlɛle la anu la azo. Bɛva sonla ngilehilelɛ nee amaamuo bɛzie ɔ gyakɛ anu. Noko Gyihova anye ɛnlie bɛdabɛ mɔɔ “bɛbu bɛ nye bɛgua Nyamenle mɛla zo” la anwo. (Kenga Maake 7:9.) Emomu, saa yɛ ɛzonlenlɛ ne gyi Baebolo ne azo na yɛdi folɛdulɛ mɔɔ wɔ nu la azo a ɔmaa ɔ nye die.

2. Kɛzi ɔwɔ kɛ yɛsonle Gyihova ɛ?

Kɛmɔ Gyihova le yɛ Bɔvolɛ la ati, ɔfɛta kɛ yɛsonle ɔ ngomekye. (Yekile 4:​11) Ɛhye kile kɛ ɔwɔ kɛ yɛkulo ye na yɛsonle ɔ ngomekye mɔɔ yɛnlua ananze anzɛɛ nvoninli biala azo yɛnzonle ye a.​—Kenga Ayezaya 42:8.

Ɔwɔ kɛ yɛ ɛzonlenlɛ ne ‘anwo te na ɔsɔ Gyihova anye.’ (Wulomuma 12:1) Ɛhye kile kɛ ɔwɔ kɛ yɛdi ye mɛla zo. Kɛ neazo la, bɛdabɛ mɔɔ bɛkulo Gyihova la anye die ye ngyinlazo mɔɔ fale agyalɛ nwo la anwo na bɛdi zo. Eza bɛkpo nyɛleɛ ɛtane le kɛ sigalɛte anzɛɛ nyiletane ɛnlonlɛ anzɛɛ nzabolɛ.a

3. Duzu ati a ɔwɔ kɛ yɛ nee yɛ gɔnwo mɔ diedima bɔ nu sonle Gyihova a?

Debiezukoalɛ mɔɔ yɛkɔ ye dapɛne biala la maa yɛnyia adenle ‘yɛye Gyihova ayɛlɛ wɔ asafo ne anu.’ (Edwɛne 111:​1, 2) Adenle ko mɔɔ yɛdua zo yɛyɛ ɛhye la a le edwɛne mɔɔ yɛto yɛye Nyamenle ayɛlɛ la. (Kenga Edwɛne 104:​33.) Gyihova se yɛhɔ debiezukoalɛ ɔluakɛ ɔkulo yɛ yɛɛ ɔze kɛ yɛkɔ a ɔbamaa yɛ nye alie dahuu. Saa yɛyia nu yɛmaa yɛ nwo anwosesebɛ a ɔboa yɛ.

SUKOA DƆƆNWO

4. Ɔnle kɛ yɛfa ananze yɛboka yɛ ɛzonlenlɛ nwo

VIDIO: Asoo Nyamenle Die Ananze Mɔɔ Bɛfa Bɛdi Gyima Wɔ Ɛzonlenlɛ Nu La To Nu? (3:26)

• Mekɛ mɔɔ Nyamenle menli ne bie mɔ bɔle mɔdenle kɛ bɛdua ananze nwo zo bɛazonle ye wɔ tete ne la, duzu a zile a?

Bie mɔ bu ye kɛ bɛdua ananze nwo zo bɛsonle Nyamenle a ɔmaa bɛbikye ye kpalɛ. Noko saa yɛyɛ zɔ a asoo ɔnrɛhwe ɔ nwo ɔnrɛvi yɛ nwo ɔ? Kenga Ɛzɛdɔso 20:​4-6 yɛɛ Edwɛne 106:​35, 36, na akee bɛzuzu kpuya ɛhye mɔ anwo:

• Ananze anzɛɛ nvoninli boni mɔ a wɔnwu kɛ menli fa boka bɛ ɛzonlenlɛ nwo a?

• Kɛzi Gyihova bu ananze mɔɔ bɛfa bɛdi gyima la ɛ?

• Kɛzi ɛbu ananze mɔɔ bɛdua zo bɛsonle la ɛ?

5. Yɛsonle Gyihova angomekye a ɔmaa yɛtwe yɛ nwo yɛfi adalɛ ngilehilelɛ nwo

VIDIO: Nɔhalɛ Ne Maanle Menyianle Fanwodi (5:16)

Kenga Edwɛne 91:​14, na akee bɛzuzu kpuya ɛhye anwo:

• Duzu a Gyihova ɛbɔ ɛwɔkɛ kɛ saa yɛkile kɛ yɛkulo ye na yɛsonle ɔ ngomekye a ɔbayɛ yeamaa yɛ a?

6. Yɛsonle Gyihova wɔ debiezukoalɛ bo

Saa yɛto edwɛne na yɛmaa mualɛ wɔ debiezukoalɛ bo a ɔmaa yɛye Gyihova ayɛlɛ na yɛmaa yɛ nwo anwosesebɛ. Kenga Edwɛne 22:​22, na akee bɛzuzu kpuya ɛhye mɔ anwo:

• Ɛ nye die mualɛ mɔɔ ɛte ye wɔ debiezukoalɛ bo la anwo ɔ?

• Ɛkulo kɛ ɛsiezie ɛ nwo na ɛmaa mualɛ ɔ?

7. Gyihova kulo kɛ yɛka mɔɔ yɛzukoa la anwo edwɛkɛ

Yɛbahola yɛalua ndenle dɔɔnwo azo yɛaha Baebolo ne anu edwɛkɛ yɛahile awie mɔ. Kenga Edwɛne 9:1 yɛɛ 34:​1, na akee bɛzuzu kpuya ɛhye anwo:

• Duzu a wɔzukoa ye wɔ Baebolo ne anu mɔɔ ɛkulo kɛ ɛka nwolɛ edwɛkɛ ɛkile awie a?

EDWƐKƐ TITILI

Saa yɛsonle yɛ Bɔvolɛ ne angomekye, yɛye ye ayɛlɛ wɔ debiezukoalɛ bo, na yɛka mɔɔ yɛzukoa la anwo edwɛkɛ yɛkile awie mɔ a ɔmaa ɔ nye die.

Ndinu

• Kɛ ɔkɛyɛ na yɛanwu adenle kpalɛ mɔɔ bɛdua zo bɛsonle Nyamenle la ɛ?

• Duzu ati a ɔwɔ kɛ yɛsonle Gyihova angomekye a?

• Duzu ati a ɔwɔ kɛ yɛ nee menli mɔɔ kpondɛ kɛ bɛyɛ mɔɔ Nyamenle kulo la bɔ nu sonle a?

KPONDƐ DƆƆNWO

Wɔ anwubielɛ ne mɔɔ se “Meanyɛ Akɛlɛ Meammaa Awozonle Bieko” la anu, kenga kɛzi raalɛ bie hwenle ɔ nwo vile awozonle ɛzonlenlɛ nwo la anwo debie.

“Baebolo Ne Kakyi Sonla” (Ɛzinzalɛ Arane nu edwɛkɛ)

Sukoa mɔɔ baboa wɔ yeamaa wɔamaa mualɛ wɔ debiezukoalɛ bo la.

“Ye Gyihova Ayɛlɛ Wɔ Asafo Ne Anu” (Ɛzinzalɛ Arane, January 2019)

Nea kɛzi kpavolɛ bie nyianle debiezukoalɛ mɔɔ ɔhɔle la azo nvasoɛ ɔnva nwo kɛ ɛnee ɔnla aze kɛ ɔbahɔ la.

Gyihova Nleanle Me (3:​07)

Menli dɔɔnwo die di kɛ Kilisienema fa meanubaka di gyima, noko asoo ɔwɔ kɛ yɛfa yɛdi gyima wɔ yɛ ɛzonlenlɛ nu ɔ?

“Duzu Ati A Gyihova Alasevolɛ Ɛnva Meanubaka Ɛnli Gyima Wɔ Bɛ Ɛzonlenlɛ Nu A?” (Edwɛkɛ mɔɔ wɔ jw.org azo)