NYAMENLE EDWƐKƐ NE AZO NVASOƐ | LUKU 10-11
Samɛleanli Agɔnwolɛ Kpalɛ Ne Anwo Ndonwo Ne
Gyisɛse maanle ndonwo ɛhye wɔ mekɛ mɔɔ bɛbizale ye kɛ: “Nwane bɔbɔ a le me gɔnwo a?” (Lu 10:25-29) Ɛnee ɔze ye kɛ menli “kɔsɔɔti”—mɔɔ Samɛleama nee Maanle maanle ne anu amra boka nwo la a baha abɔ nu ayɛ Kilisiene asafo ne a. (Dwn 12:32) Gyisɛse vale ndonwo ɛhye hilehilele ye ɛdoavolɛma ne kɛ ɔwɔ kɛ bɛbɔ mɔdenle kpalɛ bɛda ɛlɔlɛ ali bɛkile awie mɔ, bɔbɔ menli mɔɔ bɛ nee bɛ ɛnvi ɛleka ko la.
BIZA Ɛ NWO KƐ:
‘Kɛzi mebu mediema mraalɛ nee mrenyia mɔɔ asolo bɛ amaamuo la ɛ?’
‘Asoo menli mɔɔ me nee bɛ le ko ala a meta me nee bɛ yɛ ninyɛne bɔ nu ɔ?’
‘Asoo mebahola meabuke me ahonle nu amaa meanwu menli mɔɔ asolo ɛleka mɔɔ bɛvi la kpalɛ ɔ?’ (2Kɔ 6:13)
Nwane a mebahola meado ɛsalɛ meavɛlɛ ye na . . .
me nee ye ahɔ daselɛlilɛ a?
yearali debie wɔ me sua nu a?
yearaboka yɛ nɔsolɛ abusua ɛzonlenlɛ bieko mɔɔ yɛbayɛ la anwo a?