• Boa Mraalɛ Mɔɔ Bɛwɔ Wɔ Asafo Ne Anu La
    Ɛzinzalɛ Arane (Debiezukoalɛ Ɛdeɛ)—2020 | September
    • Gyisɛse de aze ɛlɛkilehile. Maata nee Mɛle de ɔ gyakɛ abo ɛlɛtie ye. Nvoninli: 1. Agyalɛma bie ɛhɔkpɔla adiema raalɛ kpanyinli bie mɔɔ ɛha sua nu la. Nrenyia ne nee ye ɛlɛtendɛ yɛɛ ɔ ye ɛlɛfa gua mɔɔ bɛlile bɛrale la azie ɛkɛ. 2. Agyalɛma bie nee adiema raalɛ bie nee ɔ ra raalɛ kakula ɛlɛyɛ abusua ɛzonlenlɛ. 3. Adiema nrenyia bie ɛlɛboa mediema mraalɛ nwiɔ yeamaa bɛahakyi bɛ kale taye.

      Yɛbahola yɛahile kɛ yɛdwenle yɛ mediema mraalɛ anwo kɛ mɔɔ Gyisɛse yɛle la (Nea ɛdendɛkpunli 6-9)e

      6. Kɛ mɔɔ Luku 10:38-42 ka la, kɛzi Gyisɛse boale Maata nee Mɛle ɛ?

      6 Gyisɛse nyianle mekɛ maanle ye sunsum nu mediema mraalɛ ne mɔ na ɔyɛle agɔnwolɛ kpalɛ ɔmaanle bɛ. Suzu agɔnwolɛvalɛ mɔɔ ɛnee ɔwɔ ɔdaye nee Mɛle nee Maata mɔɔ ɛnee bɛtɛgyale avinli la anwo. (Luku 10:38-42.) Gyisɛse luale ye edwɛkɛ nee ye nyɛleɛ zo maanle bɛnyianle ahomeka. Mɛle anzulo kɛ ɔbadɛnla Gyisɛse agyakɛ abo kɛ ye ɛdoavolɛ.c Yɛɛ mɔɔ Maata vale ɛya kɛ Mɛle ɛmboa ye la, ɔholale ɔhanle nwolɛ edwɛkɛ ɔhilele Gyisɛse. Gyisɛse vale nwolɛ adenle zɔhane hilele bɛ ɛzukoalɛdeɛ mɔɔ anwo hyia la. Na ɔkpɔlale bɛ wɔ mekɛ gyɛne nu ɔvale ɔhilele kɛ ɔdwenle mraalɛ nwiɔ zɔhane nee bɛ diema Lazalɛse anwo. (Dwɔn 12:1-3) Yemɔti mɔɔ Lazalɛse anwo dole ye kpole la, ɛnee Mɛle nee Maata ze kɛ Gyisɛse bahola aboa bɛ.​—Dwɔn 11:3, 5.