O Dapge Do-ɛp Sa Si bu Ziī Zua ni?

Do e ɛp? Tam sɛmdee dɛ̄dɛɛ̄ sɔ̄! Ɛp kɛ̄ o ɛrɛ gbɛnɛ-edo leelee doo a!—Kam 10:22.

TƐ̄MALOO SITAM SƐMDEE, O DAP . . .

• ɛrɛ kari doodoo nɛɛ zue ue sa ɛrɛ ekpeloo bu tam zue ue kaāna

• agɛrɛtɛ̄ o gbaniāloo kiikɛ̄ Jɛhova le. Kɛ̄ o kiisī loe kɔ nu a ye kiiloo nɛ pya dɔɔ̄na doo, kɛ̄ o nyɛ̄ŋiā nage bu pya ye elap dogo a lee gbɛnɛ doolo

• muɛ̄ kɛ̄ loo a esukɛ̄ doo sɔ̄ o su niā Buɛ̄-mɛnɛ nuā tua tua loo olo, sa muɛ̄ nage ɛɛbu o ɛrɛ sɔ̄ o su oloo siātam nɛ pya dɔɔ̄na. —Mat 6:33; Doonu 20:35

• si zɔ̄zɔ̄ŋia pya sɛmdee lo a wee lu e’ɛrɛ sɔ̄ nɛɛ kuūdɛɛ̄ loo sɛkiut wee lu bu i bɔŋanaloo a, keebee zɔ̄zɔ̄ŋia a wee lu e aara sɔ̄ i ɛrɛ bɔŋanaloo sɛkiut, le Tɔkpa Pya Sɛmdee

• ɛrɛ gbɛnɛ-edo dee ebɔātɛ̄ sa wee sere enɔānu Baibol

• su gbɛnɛ-edo sɔ̄ tɔ̄ma kpaɛ̄ pya nɛɛ le ɔɔ gbaa sitam zue ue, sa bui yere mɛm loo ziī.—Rom 1:11, 12