Yerebah nɛ Pya O Miɔŋɔ kɔ ba a Ɛrɛ E’agatɛ̄ Yira bu Nɛɛ Dɛmnu

Nu a bee lu edɛm kɔ ka Jɛhova siā. (Yɔɔ 19:​1-4; 139:14) Kerewo, nyɔuwe Pɔrɔ-edɔɔ̄ nyimɛ pya tɔgɛnu a naa nɛ ka Bari akiiloo kɛ̄ dum tɛɛ̄ doo le. (Rom 1:​18-25) Ena o doo lokwa tɔgɛnu ama naa nyim bu beenyiɛ le ekɛɛrɛ pya o miɔŋɔ a? Yerebah wa nɛ sɔ̄ ba lege etera kɔ ba a ɛrɛ yira kɔ Jɛhova le, e a kuūdɛɛ̄loo ziī ziī aba. (2 Kɔr 10:​4, 5; Ɛfɛs 6:16) Gbītɛ̄ suā taɛ nu alu wa ekɛɛrɛ nyɔɔ nu a gaa lu etɔgɛ wa bie tɔkpa, sa su pya nu-tam i ɛrɛ wa tɔŋɛnu.​—⁠Kam 20:5; Jem 1:⁠19.

SI EE VIDIO AKURA NU PYA O GBO KƆ—YIGA BU BARI, SA BUI AGARA PYA EBIP A NYƆƆNƐ AMA:

• Ziī amunu esah na pya nɛɛ wee kɔgara kumaloo yiga bu Bari ani?

• Ena a wee lu etɔgɛ bie bui tɔkpa a?

• Ena a doo kɔ o yiga kɔ Jɛhova le ani?

• Bu mɛ sīdee na o dap yerebah nɛ pya dɔɔ̄na kɔ ba a yiga kɔ Bari bee dɛm dɛ̄dɛɛ̄ nu ani?