Ɛrɛ Ɛɛbu bu O Bɛābu

Bɛābu le doodoo kpe aā fah. (Hib 6:19) A yerebah i nɛ doo kɔ i gbanialoo kiikɛ̄ Bari le aa zii sɔ̄ i kpesī taāŋa a le doodoo fii efɔp. (1 Tim 1:​18, 19) Gbɛnɛ fii efɔp maā dap lu, sɔ̄ nu i bee ɛmadɛɛ̄ naa kiā leere, sɔ̄ i peere nu i ɛrɛ, sɔ̄ loo i dumɛ bu nyɔɔ nyɔɔ sɔ̄, sɔ̄ nɛɛ i wereloo u, le pya dɔɔ̄na nu a dap ɔɛloo i yira agɛrɛ.

Yira le bɛābu yerebah i nɛ kɔ i muɛ̄ ekpɛanu a bee lu e yira yii loo i nɛ. (2 Kɔr 4:​16-18; Hib 11:​13, 26, 27) Nyɔɔwo, ale i ɛrɛ bɛābu lo etɔɔ̄ dum li bunyɔɔ ale lo etɔɔ̄ dum a kɛnɛkɛ̄, i ɛrɛ e’agɛrɛtɛ̄ lo bɛābu tɛ̄maloo e’ɛrɛ ekɛɛrɛ nyɔɔ pya yii Bari ale bu ye Muɛ̄ Ue dɛ̄dɛɛ̄ sɔ̄. Lo i doo wo, sɔ̄ i le bu etɛɛrɛloo, ewaɛ i bah e tɔɔ̄ bia bu ɛɛbu.—1 Pit 1:​6, 7.

SI EE VIDIO AKURA ƐRƐ ƐƐBU BU LO BƐĀBU, SA BUI AGARA PYA EBIP AMA:

• Ena anua a lee kɔ i nɔ edoba Mozis a?

• Amunu to na pya tɛ-bee-tɔ ɛrɛ a?

• Pya amunu ekobee ue na o dap nɔ sɔ̄ o ɛrɛ Enɔānu Butɔ a?

• Bu mɛ sīdee na bɛābu e yerebah a nɛ kɔ o ɛrɛ e’agaloo sɔ̄ o le bu etɛɛrɛloo ani?

• Ena olo gaa ɛmadɛɛ̄ a?