Yerebah nɛ Pya O Butɔ kɔ ba a Suāloo Jɛhova

Bee lu e nɛ tam Jeremia kɔ a zuurabahtɔ̄ pya Ju akiiloo gbeerasī a gaa le lu wa nyɔɔ nyɔɔbee ba bee ibere wa Bari Jɛhova. (Jer 13:25) Ena a bee doo kɔ lo edonyɔɔ a dɔ aaloo edoo nu a nia Bari ani? Dɛ̄dɛɛ̄ butɔ pya Izrɛl ebee ibere doo nu Bari gbī. Nyɔɔwo pya tɛ bee tɔ naa gaa bee nyɔɔnɛ na zuurabahtɔ̄ Jɛhova bee wa nɛ a le bu kpa Deuteronomi 6:​5-7.

Pya butɔ a agaloo bu wa taāŋabah Bari na a doo nage kɔ bɔŋanaloo a agaloo a. Pya tɛ bee tɔ ɛrɛ e yerebah nɛ pya wa butɔ kɔ ba a suāloo Jɛhova tɛ̄maloo e’ɛrɛ Enɔānu Butɔ dɛ̄dɛɛ̄ sɔ̄. (Yɔɔ 22:27) Sɔ̄ elua esi ee vidio akura “Pya lo ue ama . . . Gaa le Le a Bu Beenyiɛ—Bip Ue Aānu Zīī Zīī Butɔ̄ sah, agaraa pya ebip ama:

• Bu mɛ sīdee na pio butɔ edaba be eeba pya nu a wee gbanasī ɛrɛ wa enɔānu butɔ ani?

• Pio e na alu biī a le bu ɛrɛ Enɔānu Butɔ dɛ̄dɛɛ̄ sɔ̄ ani?

• Pio e na a wee doo kɔ ɛrɛ enɔānu butɔ a aga mɛ loo a, e e na m doo lokwa m wa be eeba ani?