PYA ZƆ A AABU MUƐ̄ UE BARI | JEREMIA 51-52
Dɛ̄dɛɛ̄ Ue Jɛhova Kɔ Wee Dooa
Jɛhova bee kɔ pya siranu a gaa le sira li deesī
Nɛɛ tā ekpā a wee baɛloo tɔ mɛnɛ li Pesia
“Ɔaa dɛ̄dɛɛ̄ ekpā”
51:11, 28
Pya Midia le pya Pesia lu pya a para tā ekpā sa ba wee su bū nua wa gbɛnɛ nu nɔ̄. Ba wee ɔ bee wa ekpā lokwa a dap mm sa tubara nu kaāna
“Pya gbo nɔ̄ Babilɔn e ɔbɛ be nɔ̄”
51:30
E’ɛma Nabonidus kɔ: “Pya nɔ̄ Sairɔs bee yii Babilɔn sa ba naa bee wa be be loo.” Nu lo ama kura na bee ba naa bee gbaa be be, lo a gbaaloo mɔmanudɛɛ̄ Jeremia
E’ɛma nu Nabonidus
“Babilɔn gaa le lu kpo gbegbee [sa] lu ekobu ina deedee”
51:37, 62
Aā bu zua 539 B.C.E., ka Babilɔn bee bɔātɛ̄ edɔ. Alexander lo Gbɛnɛ bee gbī esu Babilɔn nua beekɛ̄ loo ye bɛbɛɛ, mɛ a bee u bu bugia. Bɔātɛ̄ eku sɔ̄ pya Nɛɛ Kraist, pya Ju bee lege etɔɔ̄ lo kɛ̄, lo a doo kɔ nɛɛ-lɛɛratam Pita a si Babilɔn. Mɛ bu lo eree nia sɔ̄ o’oo tup zua C.E., bee lu egbeesī lo buɛ̄, sa a naa luna etɔɔ̄ ye bu mmɛ nii’ee