Nyimɛ I Kari Bu Tam Zue Ue—Su Ebip Daā Nu Leere

NU ANUA ALU EBƐƐ̄: Lo a le “ekɛɛrɛ nɛɛ doodoo maā a toga,” lo sɔ̄ ebip le doodoo bɔkɛt a tap lo maā lɛɛ bāna. (Kam 20:5) Bip ebip nɛ dee pya nɛɛ a i gbaɛ̄tɔ̄loo kɔ ba a dap kɔ ue. Ture a nyɔɔnɛ pya ebip a lu ebip leere wee dɔbiī. Jizɔs wee bip ebip gbɛnɛkpo sɔ̄. Bu mɛ sīdee na i dap ye nɔ ani?

KƐ̄ EDOO DOO:

• Bip ebip edoo kɔ ba a kɔ kɛ̄ ba kɛɛrɛ nu doo Jizɔs bee bip ebip pya a wee ye nyɔɔnɛ dumɛ lo esuā nu ba kɛɛrɛ. (Mat 16:13-16; be 238 ¶3-5) Pya amunu ebip edoo kɔ nɛɛ a kɔ kɛ̄ a kɛɛrɛ nu doo na o dap bip a?

• Bip ebip edoo kɔ ba a kɛɛrɛ nu leere. Lo edoo kɔ Pita a kɛɛrɛ nu bu sīdee a bɔloo, Jizɔs bee bip pya ebip a doo kɔ Pita a biaɛ nu fii leere. (Mat 17:24-26) Amunu ebip lo edoo kɔ nɛɛ a biaɛ nu fii leere na o dap bip a?

• Kaɛgɛ pya a a gbaɛ̄tɔ̄loo. Jizɔs bee kaɛgɛ ziī nɛɛ ɛm kpa nyɔɔbee a bee “ture ebip bu suānu.” (Maak 12:34) Bu mɛ sīdee na o dap kaɛgɛ nɛɛ a agara ebip a?

SI EE TUA GAH LOO VIDIO A KURA SITAM JIZƆS BEE SI—TƆGƐNU, LƐƐ BUI AGARA PYA EBIP A NYƆƆNƐ AMA:

• E na anua sīdee alu etɔgɛ nu ama lu piya edoba kere pya ue a le bu lu kaka ani?

• E na anua a naa lee kɔ aba ili i kɔ baatɛ̄ nu a le bu kpa a?

SI EE LO EREE BAƐ GAH LOO LO VIDIO, LƐƐ BUI AGARA PYA EBIP A NYƆƆNƐ AMA:

• Bu mɛ sīdee na wuga nɛɛdam ama su ebip daā nu leere a?

• Dɔɔ̄na e a le loo kɛ̄ a tɔgɛ nu doo na i dap nɔ a?