Nyɔɔnɛ Pah Ekaɛtɔ Kraist

Jizɔs sere edoba bie kɛ̄ i nɛ, eetɔɔ̄ na sɔ̄ i kpesī tɛ̄ŋaloo ale doā-ɛp. (1 Pit 2: 21-23) Kere a bee lu ekɔ Jizɔs gbɛ, a naa bee wa kɔ gbɛ, kere sɔ̄ a bee lu etɔg ye. (Maak 15:​29-32) E na a bee ye yerebah nɛ kɔ a egerebu ani? A bee biaɛfii lo edoo nu a nia Jɛhova. (Jɔn 6:38) A bee bie nage ekɛɛrɛ nyɔɔ “ɛɛŋa a bee lu esere ye kɛ̄ sī.”​—Hib 12:2.

Bu mɛ sīdee na i doo dogo sɔ̄ alu e aara i bu pɔrɔ sīdee nyɔɔ i yira ani? Pya kaka Nɛɛ Kraist naa wee “obara pɔrɔ kpɛā pɔrɔ.” (Rom 12:​14, 17) Sɔ̄ i nɔ kɛ̄ Kraist bee egerebu doo sɔ̄ a bee lu etɔg ye, edoo kɔ i ɛrɛ ɛɛbu nyɔnɛbee Bari enɛ i leelee.​—Mat 5:​10-12; 1 Pit 4:​12-14.

SI EE VIDIO A KURA BEE JƐHOVA KUĪ EE DƐ̄DƐƐ̄ NU, LƐƐ BUI AGARA PYA EBIP A NYƆƆNƐ AMA:

• Bu mɛ sīdee na Wuga nɛɛwa Pötzingera bee su ye sɔ̄ daānu bu suānu sɔ̄ a bee le tɔ kpɔghɔrɔ ani?

• Amunu tɔga na Wuga nɛɛdam le Nɛɛwa Pötzinger bee egerebu loo bie kɛ̄ a bee lu e’aa wa sere a?

• E na a bee wa yerebah nɛ kɔ ba a egerebu ani?