PYA ZƆ A AABU MUƐ̄ UE BARI | LUK 8-9
Nyɔɔnɛ Mɛ Dumɛ—E Na Alu Ebɛɛ̄ Bu Edoo Wo A?
Lokwa nɛɛ bugara kɛ̄ dap doo kɔ kɛ̄ a gaa bu a lera, naale e’ɛɛbi lo ekira dumɛ. Bu aba lo sīdee, Nɛɛ Kraist naale eyiga kɔ pya nu a ebee lɛɛbaloo bie dumɛ bu nyɔuwe a dabara ye ekɛɛrɛ.—Fil 3:13.
Sɔ̄ i le bu e’aga kɛ̄tɔɔ̄, dap waɛ kɔ i kɛɛrɛbu loo ‘pya gbo dee nu bee lee a kii adumɛ,’ naa daba pya dee lɛɛ i gae yii bu kaka. Bu dodoo wo, gbɛnɛkpo sɔ̄ i wee kɔ nu akiiloo ɛɛbu i bee ɛrɛ yeekɛ̄ doodoo bee ii bee ɛrɛ lɔgɔ taāŋa lo sɔ̄. Nu pya Izrɛl bee doo sɔ̄ ba e’aara Ijipt lo. (Buā 11:5, 6) Lo a le i bialoo kɛɛrɛ nu doo wo, dap lu edoā i ɛp kɔ i kii bu i nama sīdee tɔɔ̄dum. Naa ɛp kɛ̄ elee lo ewee kɛɛrɛbu loo leelee i gaa ɛrɛ anyaawo le lo ebie i ekɛɛrɛ nyɔɔ ɛɛbu i ɛrɛ li deesī kɛɛ̄ bɛbɛɛ Buɛ̄-mɛnɛ Bari doo a!—2 Kɔr 4:16-18.