Kɛɛrɛaabu Waa Lɔt

E na anua waa Lɔt bee ɛp dumɛ sɔ̄ a gaa bee teera aa Sɔdom ani? Baibol naa kɔ. (Jɛn 19:​17, 26) Pya ue zuurabahtɔ̄ Jizɔs nɛ tɔgɛ kɔ naa daba a gaa bee ɛrɛ taɛ bu pya nu a lɛɛbaloo bie dumɛ. (Luk 17:​31, 32) E na i doo lokwa ii peere ewonu Bari dookɛ̄ waa Lɔt bee doo ani? Ii ɛrɛ eyiga kɔ kponia zɔ a lu tuatua nu bu i dum. (Mat 6:33) Jizɔs bee kɔ ii “le edap lu zooro nɛ Bari le zɔ.” (Mat 6:24) E lo a le i muɛ̄ kɔ zɔ gaa su sɔ̄ i bee daā nu bu edɔɔ̄ i lɛɛbah ni a? I dap yere kara nɛ Jɛhova kɔ a nɛ i suānu lokwa i dap muɛ̄ pya kɛ̄ a lu ebɛɛ̄ kɔ i kwabaloo gbaāloo e’agaloo le mɛm esu daā.

KƐƐRƐBU LOO VIDIO A ƐRƐ TAA EKPOKƐ̄ A KURA KƐƐRƐAABU WAA LƆT, LƐƐ BUI AGARA PYA EBIP A NYƆƆNƐ AMA:

• 

  Bu mɛ sīdee na ezū lo e ɛrɛ gbɛnɛkpo kpugi bee ɛrɛ pah nyɔɔ kɛ̄ Gloria bee kɛɛrɛ nu, kɔ ue, sa doo dogo doo ani?

• Bu mɛ sīdee na nu a bee sira loo waa Lɔt lu zuurabahtɔ̄ i nɛ bu ilii dee ama ani?

• Bu mɛ sīdee na su zuurabahtɔ̄ Baibol daā nu bee yerebah nɛ Joe le ye butɔ ani?

• Bu mɛ sīdee na pya nɛɛ Anna bee nyɔɔnɛ si tam bee ɛrɛ pah nyɔɔ ye kɛ̄tɔɔ̄ bu edɔɔ̄ ani?

• E na anua a lu ebɛɛ̄ kɔ i ɛrɛ e’agaloo lo a lu ezū i kɔ i su gbī kpugi nua tuatua bu i dum ani?

• Bu mɛ sīdee na Brian le Gloria bee sikɛ̄ doo kɔ nu bu edɔɔ̄ a kuī wa loo ani?

• Amunu zuurabahtɔ̄ a le bu Baibol na o muɛ̄ a lu esu nɛa edoba bu vidio ama ni?