Jizɔs Bee Unage Bee O Wuga

Jizɔs bee nɛ ye dum nyɔɔ pya nɛɛ a naa mmana. (Rom 5:8) Bu sīdee baɛ baɛ beenyiɛ naa le loo, dɛ̄dɛɛ̄ ii tɔgɛ nia loo kɔ Jizɔs bee tɔgɛ kɔ a weree i loo tɛ̄maloo enɛ ye dum i nyɔɔ. Kerewo, lee kɔ i nyɛŋiabu aba ii pio sɔ̄ kɔ Kraist be unage bee i wuga. Bu mɛ sīdee na i tɔgɛ dua wereloo Kraist bee tɔgɛ loo pya i wuga nɛɛdam le nɛɛwa, lo ba naa mmana dookɛ̄ ili doo ani? Kɛɛrɛbu taa sīdee. Tuatua, i dap yɛgɛ i yii gbo mmɛ loo pya nɛɛ a naa lu i sīkoh ale pya nɛɛ wa kɛ̄tɔɔ̄ le lo ili naa lu aba bah. (Rom 15:7; 2 Kɔr 6:​12, 13) Eree baɛ, i ɛrɛ enwaɛ̄dɛɛ̄ taā a doo i kɔ ale doo nu eyere saŋ bu pya dɔɔ̄na. (Rom 14:​13-15) Ye kpɛdumɛ, lo a le ziī nɛɛ doo i pɔrɔ nu loo, i ɛrɛ enwaabah ye aaloo nɛ. (Luk 17:​3, 4; 23:34) Lo i piiga lo enɔ Jizɔs bu pya sīdee ama, Jɛhova gaa le kiisī lo enɛ leelee bɔŋanaloo tɛ̄maloo edoo kɔ a le bu efɛɛloo le gbaaloo.

SI EE VIDIO A KURA KPEDƐƐ̄ KAĀNA!, LƐƐ BUI AGARA PYA EBIP A NYƆƆNƐ AMA:

• 

  Tua sɔ̄, Miki bee ɛmadɛɛ̄ ye bɔŋanaloo doodoo wa?

• 

  E na a bee doo kɔ a sikɛ̄ nyaana kɛ̄ a ɛmadɛɛ̄ bɔŋanaloo doo ani?

• 

  Bu mɛ sīdee na edoba Jizɔs bee yerebah nɛ Miki kɔ a nyaana kɛ̄ a ɛmadɛɛ̄ nu doo ani? (Maak 14:38)

• 

  Bu mɛ sīdee na ue a le bu kpa Kam 19:11 dap i yerebah nɛ kɔ i ɛmadɛɛ̄ pya i wuga bu le sīdee ani?