Gbaaloo Zue Ue Kɛ̄ Pya Nɛɛ Kɔ Gbɛnɛ-edo Muɛ̄ Ue

Pya nɛɛ wee gbī edā yereue Buɛ̄-mɛnɛ sɔ̄ alu ekɔ wa nɛ bu taɛ alaba muɛ̄ ue. Dap lu nu a nua lo bie Pentikɔst bu zua 33 C.E. a, Jɛhova bee nɔɔ kɔ pya Ju “a aa dɛ̄dɛɛ̄ edonyɔɔ ba le kɛɛ̄ bunyɔɔ” a dā lo le yereue bu “muɛ̄ ue lo ba bee mɛā bu,” kere a ɛrɛ muɛ̄ ue dɛ̄dɛɛ̄ aba dap dā doodoo Hibru le Grik. (Doonu 2:5, 8) Nii’ee, kɛ̄ pya ba kɔ gbɛnɛ-edo muɛ̄ ue tɔɔ̄, pya bɔŋanaloo a le lo kɛ̄ wee ɛrɛ kɛ̄ ziī ziī lo bɔŋanaloo zue ue bu lo barasī. Pya ba le bu bɔŋanaloo a le doo wo edap gbaaloo doodoo wa lokwa ba dap zue ue, e ba naa si tɔ nɛɛ yeekɛ̄ ni?

• 

  Biraloo (Kam 15:22): Pya a le bee Tam Zue Ue bu lo bɔŋanaloo a gbaa biraloo sa nɔɔ kɛ̄ ba eserebaloo wa zue ue doo sa a dɔbiī nɛ dɛ̄dɛɛ̄ wa bɔŋanaloo. Lo wa kɛ̄ zue ue tera, pya bɔŋanaloo ba su dɔɔ̄na muɛ̄ ue zuema ue dap nɔɔ lo etɛɛ̄ yee tɔ ba naa kɔ alaba muɛ̄ ue. Kerewo, lo a lu kɔ a naa waɛ wa bah esitam dɛ̄dɛɛ̄ wa kɛ̄ zue ue nyɔɔbee a naa waɛloo ziī a, ba dap zue ue dɛ̄dɛɛ̄ tɔ mɛ ba edoo kɔ alu esuā sɔ̄ nɛɛ a kɔ dɔɔ̄na muɛ̄ ue tɔgɛ nia. (od 93 ¶37) Ale ba dap kɔ bui bɔŋanaloo a yerebah wa nɛ gbī pya nɛɛ ba kɔ muɛ̄ ue wa bɔŋanaloo, le pya a dap lu enɔɔ kɔ wa bɔŋanaloo a zue ue nɛ. (km 7/12 5, ekpo) Nyɛŋiabu kɔ, pio sɔ̄ pya ba aa keekee edo dap tɔɔ̄ bu ziī be. Nɔɔnu akiiloo kɛ̄ e’inaloo dɛ̄dɛɛ̄ nɛɛ doo a gbaaloo lok a bɛɛ.

• 

  Gbaaloo (Ɛfɛs 4:16): Nyɔɔnɛ ɛrɛgeba zuurabahtɔ̄ nɛɛ a gaa kuūdɛɛ̄loo tam zue ue bu bui bɔŋanaloo nɛ. Lu kɔ o gaa nɔɛ̄ nu nɛɛ a kɔ muɛ̄ ue a naale lo bui bɔŋanaloo kɔ ni? Lo nɛɛ dap nwaaba dābeeloo nu lo a le a lu esu ye nɛ nɛɛ a le bu bɔŋanaloo ba kɔ ye muɛ̄ ue.

• 

  Kpɛ̄naloo (Kam 15:28; 16:1): Lo a le nɛɛ a le tɔ o yii kɔ dɔɔ̄na muɛ̄ ue, piiga lo ezue ue ye nɛ. O dap kpɛ̄naloo tɛ̄maloo ekɛɛrɛ pya muɛ̄ ue o dap zɔŋia le tɛ̄maloo ekuɛ̄ pya kpa le vidio bu pya lo muɛ̄ ue yere bu o fon. O dap nage su JW Language app nɔā kana muɛ̄ bu pya lo muɛ̄ ue.