Edoba Kɛ̄ E’ɛm Lɛta Doo

• Ɛm kɛ̄ o gbī kɔ alu e ma a agara ue. Lo a naale e aadee lee kɔ o ɛm kɛ̄ o tɔɔ̄, o dap ɛm kɛ̄ Tɔ Nɔnu Buɛ̄-mɛnɛ le lo pya kanɛɛ kɔ o doo wo lo. Kerewo, o AA ɛm kɛ̄ tɔ-naa-tam le LƆGƆ SƆ̄ nua kɛ̄ a lu e ma a agara ue.

• Kue bee lo nɛɛ lo o suā lo. Lo ama edoo kɔ aa kɛɛrɛ kɔ lo lɛta lu kpa akiiloo uradu ale wee nu.

• Ɛp kɛ̄ alu e’ɛm ziī ziī bee ue doo, kɛ̄ a soadɛɛ̄ doo le nu a yere kuma loo ziī ziī ekpokɛ̄ ale etaā ue. Lo lɛta a kpedɛɛ̄ sa naa dɛp. Lo o su tekpa ɛ’ma, doo kɔ a sira leere lokwa a waɛ ebuū. Pya ue a le bu aa bee bii ale kana.

Edoba kɛ̄ e’ɛm lɛta doo alu eyere loo ama tɔgɛ pya nu elua ekɔ. Naale bee o wee ɛm pya ue a le bu ziī ziī sɔ̄ o gbī e’ɛm lɛta ma pya a le o kɛ̄ zue ue. Kwabaloo o lɛta dɛɛa nyɔɔ nu anua o gaa ɛm le kɛ̄ lo kɛ̄tɔɔ̄ ale doonu lo barasī le doo.