Su Vidio Tɔŋɛnu Pya Nɛɛ O Wee Nɔɛ̄ Nu

Nu nɛɛ muɛ̄ wee ɛrɛ gbɛnɛ pah nyɔɔ ye ekɛɛrɛ sa ye yerebah nɛ kɔ a dābeeloo sa nyɛŋiabu nu a bee nɔ. Jɛhova, ilii Gbɛnɛ Nɛɛ Tɔgɛnu wee su nu nɛɛ muɛ̄ tɔŋɛnu. (Jɛn 15:5; Jer 18:1-6) Jizɔs lo Nɛɛ A Para Tɔgɛnu wee doo nage wo. (Mat 18:2-6; 22:19-21) Vidio lu ziī yɛɛ nu nɛɛ muɛ̄ elua esu tɔŋɛnu bu dee ama, sa edɔa gbɛnɛ-edo biī. O gaa suge vidio daā nu leere sɔ̄ o gaa tɔgɛnu pya nɛɛ o wee nyɔɔnɛ nɔ Baibol ni?

Elua ekwa lop vidio lo eyerebah i nɛ kɔ i dap tɔgɛ nu enɔ a le bu nwīekpo kpa a kura Leyere Ue A Aaba Bari! leere. Ziī ziī pya lo vidio nyɔɔnɛ ziī ebip alu esu gbɛnɛ dɛɛ̄ eyuu kpa ɛma a le bu lo nwīekpo kpa. Pya lo nwīekpo kpa a le bu fon le nyɔɔ intanɛt aara pya nu enyɛŋia i bu taɛ sɔ̄ i tɔgɛ ziī ziī lo vidio. Gbaāloo wo, pya lo dɔɔ̄na vidio nyɔɔnɛ nage keekee nuenɔ a legara bu pya kpa a le bu i Ekpo Tam Tɔgɛnu.

Ɛrɛ ziī ekobee ue a le bu Baibol o muɛ̄ kɔ a agabah nɛɛ o wee nyɔɔnɛ nɔ Baibol lo edābeeloo ni? Sɛh, ɛrɛ e’aga kɛ̄tɔɔ̄ nɛɛ o gaa nyɔɔnɛ nɔ Baibol gaa tɛɛ̄ bu ni? Ɛp pya vidio a le nyɔɔ jw.org® le JW Broadcasting® sa gbī lo edap ye dɔ biī nɛ. Naa daba, nɛɛ o gaa nɔɛ̄ nu le ɔɔ dap gbaa si ee ziī ɛɛ sa bui kɔnia ue nyɔɔ.

Gaa lu elɛɛ aā aā vidio tɔ dɛ̄dɛɛ̄ enɔɔ̄. Sɔ̄ o gaa si ee, kɛɛrɛbu kɛ̄ o dap wa su yeābah nɛ pya dɔɔ̄na doo.