Nyɔɔnɛ Tɔgɛnu A Aabah Bari

NU ANUA ALU EBƐƐ̄: Jɛhova, lo Gbɛnɛ Nɛɛ Tɔgɛnu tɔgɛ i nu a lee eera. A tɔgɛ i kɛ̄ etɔɔ̄ dum a lee doo le kɛ̄ i dap ɛrɛ ekpeloo li deesī doo sa a naa kɔ i kpɛ lɔgɔ nu loo! (Ais 11:6-9; 30:20, 21; Mum 22:17) Tɛ̄maloo tɔgɛnu a aaba Jɛhova, i suā kɛ̄ enyɔɔnɛ pya dɔɔ̄na ponia yereue a kpɔā dum doo.—2 Kɔr 3:5.

KƐ̄ EDOO DOO:

• Tɔgɛ elap dogo kumalookɛ̄ le kuma nyiɛ kɛ̄.—Yɔɔ 25:8, 9

• Su kpɔā Jɛhova gaa a nɛ anyaawo, doodoo nu edoo bu enɔānu taɛyɛɛ kaɛ

• Ɛrɛ pya nu seea sī lo edap a yerebah nɛ kɔ o sitam nɛ Jɛhova bu mmɛɛ sīdee.—Fil 3:13

• Kwabaloo pio nu lo edoo kɔ a lu esikɛ̄ a kpɔā.—Fil 3:8

SI EE VIDIO A KURA ƐRƐ SUĀNU TƐ̄MALOO TƆGƐNU JƐHOVA, LƐƐ BUI AGARA PYA EBIP A NYƆƆNƐ AMA:

• Amunu nu finiabah na pio pya zue ue bee be eeba lokwa ba dap si Tɔkpa Pya Zue Ue Buɛ̄-mɛnɛ a?

• E na a wee lu etɔgɛ pya a si Tɔkpa Pya Zue Ue Buɛ̄-mɛnɛ a?

• Bu mɛ sīdee na pya nɛɛ a le bu bɔŋanaloo e yerebah nɛ pya nɛɛ a aa tɔkpa a lu eyere nua bu wa bɔŋanaloo a?

• Pya e na edoo kɔ nɛɛ a nyim tura lo esi Tɔkpa Pya Zue Ue Buɛ̄-mɛnɛ a? (kr 189)

• Pya amunu dɔɔ̄na kpɔā na nɛɛ dap ɛrɛ bu bɔŋanaloo Jɛhova a?