Le Dogo Le Togatoga Enwadɛɛ̄ Dap Su Nɛɛ Nua Loo Kaka Ue

Pya wa ba su kaka sɔ̄ ba e’iya dam wee dap yerebah nɛ wa dam kɔ a su kaka tɛ̄maloo alaba le elap dogo. Kerewo, lo ama dap kura kɔ ba e egerebu e’aga kɛ̄tɔɔ̄ bu booboo zua. (1 Pit 2:21-23; 3:1, 2) Lo o dam gaa a tɔg, kiisī lo e’eeba pɔrɔ tɛ̄maloo doo le. (Rom 12:21) O le edoba dap doo kɔ a nyaana kɛ̄ a ɛmadɛɛ̄ kaka ue doo, kere a naa su ue o ye kɔ nɛ.

Piiga lo edābeeloo nu o dam kɔ. (Fil 2:3, 4) Nyɔɔnɛ ye muɛ̄ kɛ̄tɔɔ̄ sa lu fɛgɛ, sa piiga lo edoo nu a a kuu doodoo wa bu enwadɛɛ̄. Gbaɛ̄ ye tɔ̄ sɔ̄ a gaa kɔ ue. (Jem 1:19) Ɛrɛ egerebu, sa doo kɔ o dam a suā kɔ o weree ye loo. Kere o dam naa lu a fɛgɛ loo sa naa nɛ a enwadɛɛ̄, suā leere kɔ Jɛhova tɔgɛ nia loo o elap dogo bɔloo ture nyiɛ loo.—1 Pit 2:19, 20.

SI EE VIDIO A KURA JƐHOVA YEREBAH I NƐ KƆ I TOORA I TO, LƐƐ BUI AGARA PYA EBIP A NYƆƆNƐ AMA:

• Dum bee mɛā loo Grace Li doodoo wa tua sɔ̄ a iya dam sah ni?

• E na a bee doo kɔ a su kaka a?

• Bu mɛ sīdee na Wuga Nɛɛwa Li bee kiisī lo e egerebu e’aga kɛ̄tɔɔ̄ kere sɔ̄ eliamaā sah ani?

• Amunu kara na Wuga Nɛɛwa Li bee yere kumaloo ye dam a?

• Amunu leelee na Wuga Nɛɛwa Li e’ɛrɛ nyɔɔ tɔɔ̄dum a ɛɛ le ɛrɛ togatoga enwadɛɛ̄ ani?