“Yube Loo Nyɔuwe Bee Ɛrɛ Ziī Muɛ̄ Ue”

11:1-4, 6-9

Jɛhova bee lagiri pya nɛɛ a bee le Babɛl tɛ̄maloo ekwɔ wa muɛ̄ ue. Nii’ee ama, a gaa bɔŋɛnɛloo gbɛnɛ eku pya nɛɛ aābu dɛ̄dɛɛ̄ edo, edɛm sa wa tɔgɛ “muɛ̄ ue a loga,” lokwa dɛ̄dɛɛ̄ aba “kue bee Jɛhova sa ye si tam nɛ bu aba beenyiɛ.” (Zef 3:9; Mum 7:9) Lo “muɛ̄ ue a loga” na kaka ue akiiloo Jɛhova le ye ekɛɛrɛ a le bu Kpa Kaɛ.

Nɔnɔ aā muɛ̄ ue eenyɔɔ aba aa beebee ue biea bee. A gbī kɔ nɛɛ a nɔ aā sīdee ɛrɛ ekɛɛrɛ. Bu aba lo sīdee, kuma sɔ̄ i nɔ lo kaka ue a loga a, a nyaana i ekɛɛrɛ beenyiɛ. (Rom 12:2) Kiisī lo ewee doo lo ama wee doo kɔ pya nɛɛ Bari a bia bu gbaaloo.—1 Kɔr 1:10.