TƆƆ̄DUM DOODOO PYA NƐƐ KRAIST
Jɛhova Wee Kpega Pya Ye Nɛɛ
Tua Doonu Tɛɛ̄yee bee lu nyɛŋiā. Lo uunɛ, sɔ̄ Fɛro edaā kɔ dɛ̄dɛɛ̄ tua nwiī a bee mɛā bu buɛ̄ Ijipt e’ua, a bee kɔ nɛ Mozis kɔ: “Aaraakɛ̄, kiraa ee aa yɛɛ pya na nɛɛ, bɔɔlo le pya nɛɛ Izrɛl, sa kii, siaa tam nɛ Jɛhova, dookɛ̄ bui bee kɔ doo.” (A’aa 12:31) Jɛhova bee wa tɔgɛ kɔ a wee kpegae pya ye nɛɛ.
Sɔ̄ i ɛrɛ ekɛɛrɛ nyɔɔ eloh akiiloo pya nɛɛ Jɛhova bu ilii dee ama, sirapie leere kɔ Jɛhova gaa kiisī lo ebaɛloo pya ye nɛɛ sa wa kpega. Lo ama lu etɔgɛ bie kɛ̄ kpooge nama nu a le bee kɛ̄ li Warwick lo ye ekobee ue na “Pya Nɛɛ A Le Nɛ Bee Jɛhova.”
SI EE VIDIO A KURA SI KƐ̄ KPOOGE NAMA NU LI WARWICK: “PYA NƐƐ A LE NƐ BEE JƐHOVA,” LƐƐ BUI AGARA PYA EBIP A NYƆƆNƐ AMA:
Pya amunu nutam na pya nɔ Baibol bee su daānu bu bɔātɛ̄ zua 1914 lo edoo kɔ pya nɛɛ a ɛrɛ yira bu nu Baibol kɔ a, e a bee kiā leere doodoo wa?
E na alu nu finiabah a bee sira bu zua 1916 le 1918 a, e e na a tɔgɛ kɔ Jɛhova gaa lere dee bah ye bɔŋanaloo a?
Bu mɛ sīdee na pya nɛɛ Jɛhova etɔna bu bɔ ture nyiɛ loo kaɛlɛɛ gbanasī a?
Amunu aā edaābeeloo na pya nɛɛ Jɛhova bee ɛrɛ bu zua 1935 a, e a bee wa ɛrɛ pah nyɔɔ doodoo wa?
Lo o esia kɛ̄ kpooge nama nu ama, e na o bee muɛ̄ a agɛrɛtɛ̄ o yira kɔ Jɛhova gaa baɛloo pya ye nɛɛ sa wa kpega a?